Dili, 26 Fevereiru 2026 – Asosiasaun Defisiensia Timor-Leste (ADTL) hamutuk ho Konsellu Imprensa Timor-Leste (KITL), realiza kolokiu ho tema Media mak sai ajente transformador ba lian Ema ho Defisensia (EhD) iha Timor-Leste
Diretor Ezekutivo Asosiasaun Defisiensia Timor-Leste (ADTL), Cesario da Silva, konsidera ho apoiu media nian mak ema hotu bele hatene asunto Defisiensia nian
“Ita hotu hatene agora asunto Defisiensia sai ona preokupasaun sma hotu-hotu nian, iha mudansa lubuk ida ba Ema ho Defisiensia ne’e ho apoiu media nian, ita boot sira nia serbisu mak asunto defesiensia ema hotu bele hatene”
Cesario haktuir, kontribuisaun media kona-ba publikasaun Ema ho Defisiensia sira ne’ebé moris iha area rural, konsidera hanesan Eroi
“Serbisu media nian durante tulun ne’e divulga infomarsaun, kona-ba Ema ho Defisiensia ikus mai hetan atesaun ida ne’e Eroi ida, ita tulun halo mudansa ida ne’ebé ema durante ne’e eskluidu la hetan atensaun, ita boot sira nia publikasaun ba ema hotu-hotu hetan atensaun, ita hakarak inspira malu motiva malu atu hotu-hotu kontinua ho asaun atu lori Ema ho defisiensia kore husi isolamentu” Dehan Cesario
Reprezentante Konsellu imprensa Timor-Leste (KITL), Isabel Fernandes hatete, husu media sira atu uza meus no kapsidade ne’ebé iha hodi fo kontribuisaun ba maluk Defisiensia no komunidade sira ne’ebé senti diskriminasaun
“Hau husu ba media sira ita uza meus ne’ebé iha ita uza kapasidade ne’ebé iha ita kontribui ba ita nia maluk Defisiensia sira los maluk Defisiensia de’it maibe komunidade sira ne’ebé karik durante hetan diskriminasaun, ita hare iha Dili laran dezemvolvimentu lao, se mak hanoin kona-ba fasilidade ba Ema ho Defisiensia iha publiku iha ka lae, institusaun publiku balun laiha fatin esfesifiku ba maluk sira ho Defisiensia fisika ho kursi roda atu liu de’it mos laiha,” dehan
Isabel haktuir, husu ba ema hotu-hotu atu uza linguajem ne’ebé diak oinsa mak atu bolu maluk Defisiensia sira tanba maluk Ema ho Defisiensia hanesan mos ema la ho Defisiensia sira
“Iha balun ne’ebé bolu ita nia maluk Defisiensia sira ne’ebé Defisiensia matan sira dehan matan delek ne’e labele Ain at, laos ida ne’e, ne’ebé kolokiu ida ohin loke ona ita nia hanoin” hakotu Isabel
Iha Kolokiu ida ne’e hetan prezensa husi Diretor Jeral SEKOMS Florindo Da Costa, no partisipasaun husi Jornalista destakadu husi media publiku hanesan RTTL.EP no Radio komunidade sira mai husi munisipiu Manatuto, Lautem, Viqueque, Suai inklui RAEOA no mos Jornalista sira ne’ebé serbisu iha media pribadi sira iha Dili
Jornalista: Mateus F. de Deus
