Lautém, 8 Marsu 2026 – Komunidade Alves Da Costa hetan mate ruin ne’ebé la kompletu ona hela deit nia ulun ruin iha Bairo Sika, Suku Baduro, Postu Administrativu Lautém, Munisipiu Lautém
Alves Da Costa Informa, iha akontesimentu parte dader nia ba misa hafoin fila husi misa troka ropa hodi ba hili ai maran iha tasi ibun nune’e hetan mate ruin nia ulun deit iha tuku 10: 35 Otl hanesan ne’e.
“Hau ba tasi ibun buka ai maran mak hetan mate ruin ne’e iha rai henek leten entaun hau foti ba tau iha ai leten mak hau mai uma fo hatene Fidel mak Fidel ba fo hatene nia apa mak ba foti lori mai uma” dehan Alves Da Costa iha Bairo Sika liu husi Via whatsapp
Iha fatin ne’e Mario Fernandes hateten nia oan Fidel rona husi nia maluk Jofri ne’ebé hetan mate ruin iha tasi ibun nune’e Fidel fo hatene tutan ba nia apa Mario Fernandes hafoin ba tasi ibun hodi lori mate ruin ne’e ba uma iha tuku 11:15 otl hanesan
“Hau mos lahatene hau nia oan Fidel rona husi Jofri dehan nia hetan mate ruin nia ulun iha tasi ibun entaun ami ba kedan fatin ne’e lps duni mate ruin nia ulun fatuk duni entaun hau lori mai uma rai hela” nia esplika
Enkuantu husi ne’e komunidade Bairo Sika hetan duni mate ruin nia ulun no restu la iha ne’ebé sira mos la buka tuir tanba hatene katak ne’e tasi lori sai mai liur nune’e sira hodi lori ba tau iha uma
Alende ida ne’e Mario Fernandes halo publikasaun kedan iha nia ID Facebook “Mary Sakunar” hodi husu ba maluk sira ne’ebé senti nia ema balun lakon iha tasi too agora la hetan bele mai foti iha Bairo Sika nune’e bele halo tuir kultura husi uma lisan nian
“belun hau sei ajuda o nia ruin ne’ebé mak la kompleta. hodi tau ba fatin ne’ebé seguru. hodi nune’e hau sei postin o nia ruin ne’e ba pupliku. karik familia balun mak keta hatene ita lakon iha tasi ou mout iha tasi karik. Wainhira ita nia familia mai buka tuir ita. hau sei entrega ita ba ita nia familia sira..tamba ita ema sala nain.ita ema lao Rai. ita ema lahatene nia distinu…tan ne’e. ita mosu mai ona iha hau nia oin. Hau tenki kous ita ba tau iha fatin seguru…mak ne’e deit obrigadu barak.😭😭😭😭😭” Mario Dehan iha Facebook
Jornalista : Aniceto Da Silva
