Díli, 23 Fevereiru 2026 – Alumni Parlamentu Foinsa’e Timor-Leste, (APFTL) hamutuk ho Oxfam realiza debate publiku entre estudante universitariu no instituto sira, ho tema Jeral Justisa klimatika no finansiamentu klimatika empodera Feto foinsa’e iha Timor-Leste
Prezidente Alumni Parlamentu Foinsa’e Timor-Leste (APFTL), Benvinda Gusmão Alves Hateten, Mudansa Klimatika ne’e sai ona hanesan problema Global, nune’e APFTL ho OXFAM Timor-Leste Inisiativa Organiza atividade debate ne’e atu bele fo solusaun liga ho Mudasan Klimatika
“Espasu ida ne’e Alumni Parlamentu Foinsa’e Timor-Leste, servisu hamutuk Oxfam iha Timor-Leste, hakarak Joven sira fahe hanoin kritiku liga ho asunto Mudansa Klimatika nian, iha diskusaun nia laran sira mos bele fo solusaun ruma, tanba ne’e hau enkoraza maluk foinsa’e sira, kolega Universiariu sira bele fahe hanoin ba malu hodi fo solusaun ne’ebé pertinente” dehan Prezidente Alumni Parlamentu Foinsa’e Timor-Leste, (APFTL), Benvinda Gusmão Alves, iha Restorante Nelayan Bidau Dili
Prezidente APFTL salienta, objetivu husi atividade debate publiku mak estudante Universitariu sira bele fo sira nia ideia kritiku no solusaun ruma liga ho mudansa klimatika ne’e
“Atividade Espesifiku Debate publiku ita hakarak estudante universitariu sira bele fahe sira nia ideia kritiku sira, alende ne’e sira mos bele fo solusaun liga liu ba tema ne’ebé iha mudansa klimatika nian, ita hakarak iha espasu ba joven sira bele fo sai sira nia ideia ruma iha atividade debate publiku ne’e” Benvinda hakotu
Estudante Universidade Oriental Timor Lorosa’e, (UNITAL), Cedelizio virdes Kouchay Moniz, argumenta Konsidera Mudansa Klimatika laos problema individu, maibe Mudansa Klimatika sai hanesan Problema Universal no ba ema hotu-hotu
“ami mai atu partisipa iha Debate ida ne’e tema ne’ebé importante liu, kona-ba Mudansa Klimatika, ita konsiente katak, mudansa klimatika ne’e laos problema individual maibe ne’e nudar problema Universal, ema hotu hotu ne’ebé moris iha Planeta Terra ne’e nia responsavelidade tomak, tanba ne’e APFTL realiza atividade ne’e importante tebes, ita hatene katak planeta terra ne’e iha buat tolu mak hanesan ema, ai horis no Animal, entaun ami hare ida ne’e pertenente tebes ita atu deakuti” Dehan Estudante Cedelizio
Iha Debate publiku ne’e partesipasaun husi Estudante sira mai husi Universitariu no Instituto hamutuk 1, Debate refere sei realiza durante loron 2, apoiu orsamentu ba Debate ne’e hetan suportasaun husi OXFAM Timor-Leste
Jornalista: Mateua F. de Deus
