Díli, 19 Marsu 2026 – Comisaun Nasional Eleisaun (CNE) organiza atividade Edukasaun Sivika ba Partidu Politiku hotu iha Munisipiu Dili kona-ba Eleisaun Poder Lokal nian ho Tema Konsolida Demokrasia no Integridade Eleisaun
Presidente Komisaun Nasional Eleisaun (sigla portugés CNE), Jose Agoustinho Belo hatete objetivu husi atividade Edukasaun Sivika ba Partidu politikus sira ne’e, tanba Partidu mak iha Papel importante ba Poder lokal iha Munisipiu Dili
“Objetivu importante ita atu halo edukasaun sivika ba partidus politikus sira, tanba Partidu mak sai hanesan dalan ba Poder lokal, Partidu mak iha papel importante, Demokrasia ne’e eziste tanba partidu politikus, tanba ne’e mak Komisaun Nasional Eleisoens hakas an, liu liu ba preparasaun ba poder lokal ne’ebé sei mosu” Dehan Presidente Komisaun Nasional Eleisaun (sigla portugés CNE), Jose Agoustinho Belo, iha salaun Apuramentu CNE kolmera
Vise koordenador Partidu Frente Revolucionariu Timor Leste Independente (Fretilin) Municipiu Dili, Paulo Deaga, hatete Komisaun Nasional Eleisaun (sigla portugés CNE) konvida partidu Fretilin atu sensibiliza ba preparasaun ba eleisaun Poder Lokal nian
“hau hanesan vise kordenador Fretilin munisipiu Dili hetan konvite husi CNE atu mai partisipa atividade sensibilizasaun preparasaun ba eleisaun kamará Munisipal liu-liu municipiu Dili nian, Partidu Frerilin iha munisipiu Dili iha teritoriu laran tomak ami sempre kontribui no prepara maximu ba atividade saida mak mosu iha rai ida ne’e,” dehan vise koordenador Fretilin
Vise Kordenador Partidu Libertasaun popular (PLP), Lucio Freitas, agradese ba Komisaun Nasional Eleissun (Sigla portugé CNE) tanba iha hanoin hodi organiza atividade Edukasaun Sivika ba partidu Politiku sira iha nivel Municipiu
“Hau hakarak agradese ba CNE ho hanoin diak ne’ebé maka sira halo, edukasaun Sivika ba lideransa politika sira liu liu nivel Munisipiu, ne’e importante tebes atu loke ami nia hanoin, atu hatene diak liu tan lalaok eleisaun nian, atu konsensializa ami atu labele komete krime eleitoral iha eleisaun Kamará municipiu nian” nia haktuir
Jornalista : Mateus F. de Deus
