Díli, 14 Fevereiru 2026 – Eis estudante Jawa-Bali hamutuk 30 komemora loron domin 14 fevreiru ho Doasaun ran iha Hoapital Nasional Guidi Valadares (HNGV) nune’e pasiente sira ne’ebé preisza ran bele fasilita ho ran ida ne’e la presiza buka fali
Reprezentante Eis Estudante Jawa Bali, João Brites dos Santos hateten, loron 14 Fevreiru hanesan loron domin nian nune’e fahe Domin liu husi Doasaun ran ba maluk sira ne’ebé presiza
“ohin 14 de fevereiro ami aproveita komemora loron ida, ho fahe ami nia domin liu husi Doasaun ran ba ema ne’ebé presiza, agora dadauk ami ne’ebé marka prezensa iha ne’e por volta de 30 pessoas, ami sira ne’e mesak estuda iha Jawa balun iha Bali, iha inisiativa halo atividade, husi Grupu bolu se Jawa Bali, maibel la reprezentante estudante hotu iha Bali tanba barak liu” Dehan João Brites dos Santos ba jornalista sira iha HNGV
Reprezentante ne’e alerta ba komunidade sira hotu atu bele ajuda halo Dosaun ran atu bele salva ema seluk nia vida
“Mensajem ba komunidade sira espera husi ami nia atividade positivu ne’e bele fanu komunidade sira hotu atu iha vontade atu mai ajuda ran Stoke iha Banco de Sangue, tanba ita hotu hatene ran ne’e presiza tebes ran turuk ida salva ema nia vida” hakotu João
Iha sorin seluk, Xefe Departamentu Banku de Sangue, Alexandrino Mendonça agrdese tebes ba eis estudante Jawa Bali ne’ebé hatudu sira nia Domin iha loron 14 Fevreiru ba Pasiente sira ho Dosaun Ran
“Banco de sangue agradese tebes ba eis estudante Jawa Bali ne’ebé mao oferese dosaun ran Voluntariu, ao mesmo tempu iha loron Valentine ida ne’e hato’o sira domin ba Pasiente ne’ebé agora Baixa hela iha HNGV balun ne’ebé presiza ran hetan ajudus husi eis estudante Jawa Bali” hateten Xefe Departamentu Banco de Sangue.
Jornalista: Mateus F. de Deus
