Díli, 23 Marsu 2026 – Fokupers hamutuk ho Rede Advokasia sira hodi konden hahalok omesidiu ne’ebé akontese iha fatin publiku tanba ne’e ezize fortalesimentu protesaun ba vitima sira ne’ebé hasoru violensia domestika nune’e halo referal bainhira feto iha risku no grave iha komunidade sira
Porta -voz, Natalia De Jesus Cesaltino hatete, Fokupers hamutuk Rede Advokasia, Sosiedade Sivil ne’ebé iha komitmentu hodi luta kontra desigualidade no violensia hasoru feto no labarik sira iha Timor-Leste inklui akontesimentu iha loron 21 fulan Marçu 2026 ne’e
“Fokupers hamutuk ho Rede Advokasia kompostu husi Sosiedade Sivil mai ho komitmentu no luta kontra desigualdade no violénsia hasoru feto no labarik feto iha Timor-Leste, ami rekoñese katak alargamentu violénsia hasoru feto no labarik feto kontinua aumenta nia numeru ne’ebe makas no lori preukupasaun bo’ot ba sosiedade sivil no komunidade tomak. Violénsia doméstika, kazu tara an, abuzu seksual, violasaun seksual, liu-liu kazu omisidiu ne’ebe foin dadauk akontese lori preokupasaun bo’ot ba ema hotu, Fokupers hamutuk ho Rede Advokasia hato’o preukupasaun no lamenta tebes ho atendimentu foin lalais ne’e husi kazu omisidio ne’ebe akontese iha data 21 Março 2026 iha area Pantai Kelapa loja Seara nia oin.” dehan Porta-Voz, Natalia De Jesus Cesaltino iha rezidensia FOKUPERS Dili
Alende ne’e, Fokupers ho Rede Advokasia konsidera situasaun ne’e hatudu frakeza no falta fortalesimnetu protesaun ba vitima sira ho asaun imediata hodi asegura
“Ami konsidera katak situasaun hirak ne’e hatudu fraqueza iha resposta institusionál, liu-liu iha área prevensaun, no protesaun ne’ebe falta Fortalesimentu Protesaun ba Vítima iha asaun imediata hodi asegura, proteje no halo referal bainhira feto iha risku ne’ebe grave” nia hatete
Enkuantu, Parte Advokasia mos preokupa ho situasaun feto sira hasoru violensia iha familia, Komunidade no sosiedade sira kontinua fo sala ba feto sira bainhira hasoru violensia iha kualker tempu hodi hakotu ema nia vida tanba deit ema nia privasidade husi hatais isin lolon tatto no lao kala ne’e la iha razaun hodi habadak ema nia vida iha tempu fasil.
“Ami mos preukupa kona-ba situasaun feto ne’ebe hasoru violénsia iha sira nia moris loron-loron, iha familia, komunidade no sosiedade ne’ebe kontinua fo sala feto bainhira feto hasoru violénsia tamba deit nia hatais, isin nakonu ho tato no lao kalan ne’e laos razaun atu hetan violénsia ho kualker forma no hakotu ema nia vida, ami anota katak kazu omisidiu ka femisida iha prosesu judisiário lao kleur, laiha transparénsia no akuntabilidade implika atu violénsia kontinua repete no akontese iha moris familia, komunidade no sosiedade” tenik nia
Fokupers ho Rede Advokasia husu ba parte relevante sira hanesan Ministeriu Interior (MI) hodi reforsa instituisaun ho investimentu kapasitasaun ba rekursus umanus ho fasilidade adekuadu ba Polisia Nasional Timor-Leste (PNTL) ho unidade VPU ho atual Servisu Apoiu Pessoal Vulnerável (SAPV) hodi fornese fatin seguru ba feto sira iha situasaun risku no emergensia
Entre tantu, husu mos ba parte Provedoria Direirus Humanus no Justisa (PDHJ) hodi akompaña monitorin hodi atualiza informasaun ba pubilku ligadu ho akontesimentu kazu omesisdiu sira ne’ebé krime no asegura Polisia Nasional Timor-Leste (PNTL) hodi halao sira nia funsaun ho seriedade.
Jornalista : Aniceto Da Silva
