Díli, 23 Fevereiru 2026 – Funsionariu Imigrasaun Fronteira Timor-Leste fasilita sidadaun Indonesia la ho pasaporte mate maibe fasilita hodi hakat liu fronteira Timor-Leste ba Indonesia ne’ebé dadaun ne’e sai viral iha media sosial agora iha ona prosesu investigasaun nia laran
Ministeriu Interior (MI) Francisco da Costa Guterres, hateten funsionariu husi imigrasaun ne’ebé trata dokumentu husi sidadaun indonesia ho pasaporte hela loron ida mate ona maibe funsionariu tenta halo hodi sidadaun ne’e ba nia rai indonesia ne’e tuir lei funsionariu iha hela investigasaun nia laran
“Investigasaun lao hela tanba hodi kalan hau hanoin diretor jeral telefone hau fo hatene ona ne’ebé sira sei halo investigasaun, investiga nia sala prontu nia tenke foti medidas hasoru nia” dehan Ministru Interior (MI), Francisco da Costa Guterres iha Ministeriu Finansas (MF)
Alende husi sidadaun Indonesia ne’ebé pasaporte mate sei la halo visita mai iha Timor-Leste no nia duransaun tinan 10 hafoin halo vizita mai Timor-Leste
“ida ne’e lolos ne’e prontu ita hare husi saida ne’e señora ne’e lolos ita tenke deporta nia i sei bandu nia labele tama tan fali mai iha Timor-Leste tanba ninia pasaporte mate” Francisco hatete
Enkuantu, funsionariu ne’ebé fasilita sidadaun indonesia hodi liu fronteira ne’e sei iha investigasaun nia laran me’ebé sei hetan sansaun bainhira faktus ne’e los
“Agora ida be ba nia fasilita nia liu tiha deit la iha sasanun mos ita kuandu investiga lolos nia mos sei hetan sansaun agora imigrasaun sei halo hela investigasaun depois mak sira relata mai ita hare tok” nia haktuir
Jornalista : Aniceto Da Silva
