Díli, 25 Marsu 2026 –Institutu Nasionál Kombate HIV-SIDA halo sensibilizaun ba estudante eskola sekundaria jerál Nobel da Paz kona ba transmisaun virus HIV ne’ebe fo amesa ba ema nia vida
Presidente Institutu Nasionál Kombate HIV-SIDA Daniel Marçal hatete HIV-SIDA Perigozu tebes ba ema nian vida, barak liu mak Tramisaun liu husi Relasaun sexual entre feto ho mane
“Atividade ida ohin ne’e ita haree ba situasaun HIV-SIDA iha Timor-Leste ne’ebé perigozu tebes ne’ebé ameasa los ema hotu nia vida tanba sá, ita haree husi kazu ne’ebé mak iha transmisaun husi raan ne’e oituan de’it no kuaze la iha ida agora barak ne’e liu husi transmisaun liu husi mane ida no feto ida ka relasaun sexsuál livre ne’e,”
Nia hatutan tinan esforsu makas atu hasae ema nia konsiensia, Sex livre labele ba Feto klosan maibe ba dei’it ema fen laen, husu ba inan aman no parte Igreja atu apoiu nafatin moral hodi hasea oan sira husi buat ne’ebe la diak ba ita nia moris
“tinan ida-ne’e ita nia esforsu makas mak ida ne’e nafatin ko’alia para atu hasa’e ema nia konsiénsia, ita hatete katak buat ida sex livre ne’e la bele ba feto klosan no ba mane klosan sira i nune’e mós ba ne’ebé mak iha ona uma kain, iha feen no laen husu inan aman sira nia kontribuisaun inan aman haree oan sira no parte relijaun sira ko’alia nafatin kona ba moral para hasae ema nia konsiénsia hodi hadook an husi buat sira ne’ebé mak la di’ak,”nia hakotu
Iha sorin seluk Diretór Eskola Sekundaria Jerál Nobel da Paz Jerimeas da Cruz Pinto Agradese ba Presidente Institutu Nasionál Kombate HIV-SIDA ne’ebe fahe ona informasaun ba jerasaun foun sira kon-ba moras relasiona ho ita nia Saúde
“Agradese ba Presidente ne’ebé mak ohin mak fahe informasaun ba ita nia jerasaun sira tanba jerasaun ne’e aban bain rua troka ita, ita ne’e katuas no ferik hotu entaun jerasaun tenke la’o ho di’ak, formasaun ne’e kapás tanba realsiona ho ita nia saúde, sosializasaun ne’ebé mak fahe husi parte HIV-SIDA ne’e importante tebes joven no estudante sira hotu,” dehan Diretor eskola Nobel da Paz
Iha fatin hanesan Estudante Celina Seran Soares sente agrdese ba INCIDA Bele fahe ona Informasaun kona-ba Virus HIV-SIDA atu Motiva an hodi labele halo Sex Livre
“Ha’u agradese tebes ba INSCIDA tanba sira mai fahe ona informasaun kona ba virus HIV-SIDA, hanesan joven la halo relasaun sexsuál livre, liu formasaun ohin ha’u sente furak no kontente tebes, oinsá ha’u bele motiva ha’u nia an liu husi informasaun sira ne’ebé mak ha’u rasik rona,” dehan estudante Celina Seran Soares.
Dadus ne’ebé mak pasiente HIV-SIDA hamutuk rihun 2 no 300 resin mak lakon ona vida.
Jornalista: Mateus F. de Deus
