Manatuto, 30 Marsu 2026 – Prezidente Autoridade Munisípiu Manatuto (PAMM), investimentu Parke Industriál ne’ebé inisia husi Esperança Timor Oan Lda (ETO) hatudu sinál pozitivu ba prosesu desentralizasaun no fortalesimentu Podér Lokál iha Munisípiu Manatuto.
Prezidente Autoridade Munisípiu Manatuto (PAMM), Luís Fernandes, hatete investimentu Parque Industriál ne’ebé inisia husi Esperança Timor Oan Lda (ETO) hatudu sinál pozitivu ba desentralizasaun no fortalesimentu Podér Lokál iha munisípiu Manatuto.
“Ho investimentu ETO nian iha área industriál hatudu kompromisu forte hosi governu sentral hodi hasa’e kresimentu ekonómiku Timor-Leste nian no redus numeru dezempregu, hodi garante empregu ba joven timoroan sira, liu-liu Manatuto oan sira,” dehan Prezidente Autoridade Munisípiu Manatuto (PAMM), Luís Fernandes, iha lansamentu fatuk dahuluk parque industriál iha Manatuto
Prezidente Autoridade ne’e hatutan, povu Manatuto koñese di’ak empreza ETO no, nu’udar Manatuto oan, iha karakterístika simples no hakmatek, ne’ebé la fó espasu ba konflitu, tanba ne’e, nia fiar katak futuru Parque Industriál tuir komportamentu povu lokal nian.
Iha oportunidade ne’e, mós husu atu Governu sentral kontinua tau prioridade ba investimentu seitor privadu iha Munisípiu Manatuto atu bele hasa’e ekonomia lokal no kria oportunidade barak liutan.
Husu mós ba Primeiru-Ministru (PM), Kay Rala Xanana Gusmão atu fó apoiu liu-liu iha área seguransa, hodi instala postu Polísia iha parque industriál ne’e, atu garante seguransa ba investimentu ne’ebé boot.
Ekipa : Kontribuitor
