Díli, 17 Marsu 2026 – CEO Zeus Travel sai orador importante ba enseramentu orientasaun Estudante foun iha Universidade de Dili (UNDIL) iha tinan 2026, katak lideransa ne’ebé diak la hatene naok osan povu nian no la hariku an maibe tau importansia ba povu nia moris mak foin lider ida ne’ebé lolos
CEO Ajensia Zeus Travel, Julio da Costa Oliveira Pinto hateten, ho tema ne’ebé lori mak “Leadership” tanba ne’e sai nu’udar lideransa labele hanoin hodi haknaouk husi povu maibe hanoin oinsa povu nia moris diak
“Ohin loron lider ne’ebé diak minim tebtebes, lider ne’e diak mak lider ne’ebé la hatene naok, lider ne’ebé la hariku nia an, lider ne’ebé hakarak nia povu mak tenke hetan diak, ida ne’e mak kualidade lider ne’ebé, ida ne’e presiza hamoris husi imi, imi mak futuru rai ida ne’e nian” dehan CEO Ajensia Zeus Travel, Julio da Costa Oliveira Pinto, Ba Estudante foun iha (UNDIL)
Alende ne’e, Ajensia Zeus Travel haruka Timoroan 800 ba servisu iha Portugal tanba Timor Oan barak seidauk hetan oportunidade servisu iha nia rai, nune’e Ajensia fasilita hodi buka servisu iha Portugal, tanba ne’e lideransa ne’ebé diak tenke kapasita joven sira nia kondisaun tanba sira mak futuru ba nasaun ida ne’e
“Lider ne’ebé diak tenke hatene katak, joven sira ne’e mak rai ne’e nia futuru, kapasita sira ho kondisaun hotu, atu nune’e sira sai lider ba rai ida ne’e, alin sira ami Zeus Travel haruka ema ba servisu iha rai liur kuaze atus walu ona (800), hakotu CEO Ajensia Zeus Travel
Iha fatin hanesan, Finance Manager Zeus Travel, Miradolinda Teresa da Silva argumenta, hanensa orador prinsipal ba enseramentu orientasaun estudante foun tinan 2026 iha Universidade de Dili (UNDIL) ho tema ne’ebé lori mak “Bisnis”, Katak sai nu’udar bisnis nain tenke brani hodi hasoru risku no brani foti desizaun
“Bisnis ne’e iha tipu oioin, tipu hitu, tipu primeiru brani foti desizaun, brani foti risku, segundu brani halo marketing ba lobi ida ba ida, terseiru bisnis ne’ebé ita halo saida los, atu loke Café ka atu fan sigaru, ita tenke iha ona vizaun ba ida ne’e, kuatru distribuisaun, kintu ita nia suplayer, sextu mak ita nia konsumidor, setimu mak fatin” Hakotu Finance Manager Zeus Travel
Hanesan Senadu Universidade de Dili (UNDIL), Jojo Freitas hateten agradese tebes ba Diretur Ajensia Zeus Travel no Finance Manager ne’ebé ho disponibilidade tomak fahe ona esperiensia ba Estudante foun Universidade Dili (UNDIL) tinan 2026.
Jornalista : Mateua F. de Deus
