Díli, 19 Fevereiru 2026 – Kargu sefia hamutuk 24 simu pose iha Institute Of Bussines (IOB) Dili, no tuir regras fundasaun hodi servisu didiak ho tuir regras Institute Of Bussines (IOB) nian.
Prezidenti Fundasau Institute Of Bussines (IOB), Abel da Costa Ximenes Larisina, hatete tomada posse no juramentu tenki kaer didi’ak lia-fuan sira nu‘udar komprimisu atu asumi kargu no permiti hala’o kna’ar iha servisu fatin ho didi’ak tuir regras Fundasaun IOB.
“Imi nia kna‘ar iha servisu di’ak tuir regras Fundasaun nian, regras IOB ho ninia estrutura tomak IOB polo Maliana ho IOB Dili,”dehan Prezidenti Fundasau Institute Of Bussines (IOB), Abel da Costa Ximenes Larisina, iha Salaun IOB fomentu
Tuir Abel da Costa Ximenes Larisina, atividade sira iha pasadu, okupa funsaun estratejiku atu lori IOB ba sustentabilidade no iha responsabilidade boot tebes.
Atualmente, tama ona faze determinante tebes ba Fundasaun nia moris no Institute Of Bussines (IOB) nia moris ho nia unidades.
“Tempu ne’e determinante tebes ba ida-ne’ebe liu tiha ona. Maibé, ita tenke foti nia utilizasaun, labele hanoin beibeik buat ida liu tiha ona. Sei ita hanoin beibeik, ne’e estraga ita,” Abel Larasina informa
Fundasaun IOB, halo reuniaun Anual iha loron 15 to’o 17 Janeiru 2026, iha reuniaun ne’e, aprova Planu Asaun Anual (PAA) ba orsamentu ba tinan 2026, SAlemde ajustamentu ba kargu ba Xefia Diresaun iha Fundasaun nia laran no IOB, fundasaun mós halo osa tomada pose ba estrutura iha Eskola Teknika Informatika ho unidade selu-seluk.
Alende ida ne’e sai importante ba Reitor, Vise Reitor, Diretor no Dekanu sira husi Institute Of Bussines (IOB) sentral Dili no Polu Maliana ho ekipa sira prontu ona hodi halao sira nia knaar iha Institute Of Bussines (IOB) nian
“Ohin importante ba Reitór, Vise Retor sira, Diretór sira, Dekanu sira husi IOB Sentral Dili no IOB Polu Maliana ho ida ne’e, ita bele dehan ekipa Fundasaun, ekipa IOB no ekipa ETI prontu ona hala’o sira nia knar,” nia reafirma.
Prezidenti Fundasaun dehan tan, Fundasaun tenki fó apelu forte ba pessoal hotu, husi lider to’o kraik, hodi kria unidade, konsolida organizasaun internalmente hodi hamutuk lori situasaun halo servisu di’ak ba nasaun no povu.
Iha sorin seluk, Reitór Institute Of Bussines (IOB), Pedro Barreto Ximenes, hatutan bazikamente pesoál sira ne’ebé hetan ona tomada posse, bazeia duni ba meritu no pertinente atu tau ba pozisaun sira tanba tau fiar ona servisu diak transparente hodi lori IOB ba oin
“Ita investe, ita fó fiar ba joven sira ho ita nia kolega feto sira husi IOB,” Pedro Ximenes dehan tan.
Reitór IOB mós fiar katak, futuru nasaun iha joven sira nia liman rasik nune’e bele lidera kargu ne’ebé fo ona
“Maske fó fiar ba joven sira, dalan ida mos mantein nafatin kombinasaun di’ak entre joven ho senior sira,” nia hateten.
Nia mós reafirma, palavra xave husi esforsu hotu mak hadia no hametin kualidade servisu no kualidade edukasaun.
“Ha’u hakarak hato’o, primeiru kualidade ensino, kualidade infraestrutura, kualidade aprendisazen, kualidade peskiza no kualidade graduadu sira ne’e nu‘udar liafuan Xavi ba estrutura foun,“nia dehan
Nia dehan, mudansa pesoal no estrutura kada tinan haat iha Instutite Of Bussines (IOB) nu‘udar esforsu atu renovasaun ba familia boot Institute Of Bussines (IOB), hodi fó espiritu no motivasaun foun atu hametin instituisaun ne’e sai forte liutan,” Reitor hakotu
Jornalista : Mateus F. De Deus
