Dili, 5 Marsu 2026 – SEFOPE hamutuk ho Familia hala’o serimonia despedida ba Traballador 135 ne’ebe sei aranka ba servisu iha Australia, Serimonia despedida ne’e hala’o iha Hotel Novo Turismo.
Iha serimonia despedida ne’e Sekretariu Estadu formasaun profisional no emprego, Rogério Araujo Mendonça ba Traballador sira hateten, Traballdor ne’ebe atu ba Servisu iha Rai liur, Ita realiza Serimoria Despedia entre Traballador ho nia familia sira no Governo
“Ohin ita halibur iha fatin ida ne’e, tuir Tradisaun Traballador sira ne’ebe atu ba servisu iha rai liur tanto Australia, Korea, Nova Zelandia, Japaun Antes sira atu sai ba servisu iha rai liur ita sempre realiza serimonia Despedida ba traballador sira Mesmo tempu asina termu Aseiasaun parte familia traballador ho governo, nia objetivo hodi bele fó orientasaun ba traballador sira” nia hateten
Sekretario Estadu ne’e Afirma tan katak problema ne’ebe Sempre akontese ba traballador sira mak problema entre fen ho laen
“iha pontu balun ne’ebe hau divulga ba familia traballador sira, problema sira ne’ebe akontese beibeik iha Australia balu ne’ebe fen iha, Soe hela fen ba hola fali ema nia fen, balun ne’ebe Laen iha soe hela laen hola fali ema nia laen, ida ne’e mak problema boot ne’ebe sempre mosu” Dehan Sekretariu estadu
sekretariu estadu mos husu ba traballador foun sira ne’ebe mak foin ba atu labele lori atributu Arte Marsial, Halot didiak iha Armariu,
” imi ne’ebé atu ba hau hatene katak balu tuir hela arte marsial no arte ritual, diak liu imi nia farda sira treinu ne’e hasai tau hela armariu fo hela ba familia aira, fulan sia hotu fila mai mak foti ba treinu fali” nia hakotu
Iha sorin seluk Traballador Abrão Cardozo Amral komprote sei kumpri regras sira hotu hodi hodi hamoris Timor leste nia naran, no mensajem ba ferikoan atu kuidadu labarik
” Ami sei hatudu komportamentu ne’ebe diak hodi hamorin nafatin nasaun Timor Leste nia naran atu Ganha nafatin komfiansa husi empregador atu nune’e ba futuru sira bele fasilita Timoroan Barak liu, Mensajem ba ferikoan no Familia sira husu familia sira nia orsaun, husu atu kuidadu nafatin labarik sira iha uma” dehan Traballador Abrão
Jornalista: Mateus F. de Deus
