Baucau, 21 Marsu 2026 – Partidu Kmanek Haburas Unidade Nasional Timoroan (KHUNTO), kontinua defende osan 500 ba uma kain ida no kontinua fo salariu ba funsionariu iha fulan ida simu dala rua hodi sustenta sira nia moris hodi labele impresta no deve fali bainhira lia ruma kona
Presidente Partidu kmanek haburas Unidade Nasional Timoroan (KHUNTO), Armanda Berta dos Santos, husu ba empossado sira atu servisu makas hodi lori vitoria ba Partidu KHUNTO iha Posto Administrativu Vemasse hodi hadia povu nia moris
“empossada sira ohin imi simu responsabilidade husi partidu Khunto, oinsa para atu bele servisu, servisu mak bele hatudu rezultadu iha eleisaun Predensial, no eleisaun Poder lockal, no eleisaun Parlamentar, oinsa para ita bele hadia povu nia moris, presiza ita hotu servisu hamutuk buat hotu ne’ebé difisil sai fasil” dehan Presidente Partidu kmanek haburas Unidade Nasional Timoroan (KHUNTO), Armanda Berta dos Santos, iha Postu Vemase Suku Ostiku
Iha fatin hanesan konsileiru Maximu Partidu Kmanek haburas Unidade Nasional Timoroan (KHUNTO), José Dos Santos Naimori “Bukar”, esklarese klarefikasaun, kona-ba progama Politika funsionariu simu osan dala rua no uma kain hetan $500 no hein uma lisan hetan osan,
“hau hakarak klarifika ba Timoroan tomak, ida ne’ebé maka semana rua simu osan la signifika atu simu salariu duplo, se nia Gaji 200$ semana rua simu $100, atu osan serkula hela de’it, ita labele foti de’it osan ita tenke buka osan fo ba estadu liu husi Turismu, Ramelau osan foho Matebian osan maibe estadu tenke prepara, ita tenke iha planu buka osan fo ba povu” dehan Konsilleiru P.KHUNTO
Enkuantu, Konsileiru maximu, Partidu Kmanek Haburas Unidade Nasional Timoroan (KHUNTO) ne’e kontinua defende programa Politika $.500 ba uma kain kada tinan no funsionariu fulan ida simu salariu dala rua no lia nain hein uma lisan hetan salariu
“defende nafatin progama $500 ba uma kain ida kada tinan, no funsionario simu osan dala rua, no ema hein uma lisan manan osan, ida ne’e khunto nia programa fila ba ukun ida ne’e mak tenke halo, halo polotiku para povu moris diak” Naimori haktuir
Kodenador partidu kmanek haburas Unidade Nasional Timor oan (KHUNTO), Angelo Angelito Freitas Correa, hatete husu ba emposadu sira atu sai atan ba knar no responsabelidade ne’ebé simu hodi servisu ba partidu Khunto
“knar ne’ebé simu fo atan ba kna’ar ne’e atu halo servisu, responsabilidade ne’ebé ohin nain hira simu ne’e responsabeliade ne’ebé boot atu hare no servisu ba ita nia partidu” nia informa
Entre tantu, Partidu Kmanek haburas Unidade Nasional Timoroan (KHUNTO) halo reajustamentu ba estrutura iha Posto Administrativu Vemase, Suku Ostico no fo Pose ba estrutura foun hamutuk 996 mai husi Suku 7 iha posto vemase.
Jornalista : Mateus F. de Deus
