Díli, 20 Marsu 2026 – Primeiru Ministru (PM) Kay Rala Xanana Gusmâo, Vise Primeiru Ministru (VPM), Kalbuady Lay no Sekretariu Estadu Komunikasaun Sosial (SEKOMS), partisipa selebrasaun Musulmanu Idul Fitri 1 Syawal 1447 H ne’ebé komunidade Musulmanu iha mundu tomak nune’e halo selebrasaun iha Kedutaan Besar Republik Indonesia (KBRI) Dili Timor-Leste
Primeiru-Ministru (PM), Kay Rala Xanana Gusmão, hatete loron Idul Fitri 1 Syawal 1447 H, IX Governu Konstitusionál hodi reprezentante povu tomak hakarak atu harohan ba maromak atu tulun no fó bensaun ba povu hotu-hotu ne’ebé selebra loron importante ida ne’e hodi hakuak malu hadomi malu dezenvolve rai ida ne’e.
“Ita hotu husu ba leten ás ba, hodi tulun nafatin ida hakuak malu ho domin nune’e ho dame bele hamriik iha Timor kondisaun di’ak tebes, atu ita bele dezenvolve ita nia rai,” dehan Primeiru Ministru (PM), Xanana Gusmão iha selebrasaun Idul Fitri iha Embaixada Indonézia
Nia hateten, partisipa iha eventu ne’e tanba hetan konvite husi Embaixadór Indonézia, ne’ebé agora dadaun atu fila ba Indonézia, tanba mandatu hotu ne’ebé hato’o agradese ba Embaixadór Indonesia nia servisu ne’ebé durante halo iha nia mandatu ne’e
Entre tantu, Primeirus Ministru (PM) Xanana Gusmão, mos hato’o mensajen ba komunidade musulmanu sira iha Timor-Leste (TL) atu kontinua hametin unidade no dame, liu-liu iha situasaun global ne’ebé agora iha konflitu bo’ot, hanesan funu entre Amerika, Israel no Iraun, ne’ebé bele iha impaktu ba ekonomia mundiál, inklui fornesimentu mina no aihan
Iha fatin hanesan Embaixadór Indonézia Timor-Leste, Octo Dorinos Mali, hatete Loron ksolok ida ne’e nu’udar loron vitória ba komunidade Musulmanu no Embaixada Indonézia.
“Ami hato’o ami nia parabéns sinseru no ba loron Idul Fitri 1447 H, momentu ida ne’e espesiál tebes tanba ita selebra loron ida ne’e, no iha semana kotuk ita halo selebrasaun hodi selebra loron boot Imblet nian, no Domingu ida ne’e mak loron jejun ba sarani Katólika sira,” dehan diplomata Indonézia.
Tanba ne’e loron espesiál ida, semana ida ne’e nian ba ema hotu. belun musulmanu sira selebra hela jejún loron 30, no ida-ne’e maka loron vitória nian ba musulmanu sira.
Diplomata Indonesia, ne’e hato’o espesifika ba fiar komunista la diak tanba fulan hirak liu ba konflitu iha mediu Oriente durante loron 20 ne’e konsekuensia boot no bele hamosu konflitu tanba ne’e evakua sidadaun Indonesia hamutuk 32 iha Nasaun Iran
“Ha’u hakarak hato’o espesifikamente katak fiar komunista nian ladi’ak iha fulan hirak liubá. Konflitu iha Médiu Oriente la’o durante loron 20 nia laran. Ida-ne’e maka ita-nia konsiénsia koletiva. Klaru, ida-ne’e bele akontese iha konflitu, ami rasik evakua ona sidadaun Indonézia hamutuk 32 hosi Iraun,” katak nia.
Alende iha selebrasaun ne’e Primeiru Ministru (PM), Kay Rala Xanana Gusmão hamutuk ho komunidade Muçulmanu diplomata, no konvidadu sira partisipa hamutuk iha Kedutaan Besar Republik Indonesia (KBRI) hodi selebra loron Idul Fitri nune’e mos troka komprimentu ho perdaun ba malu ne’ebé tuir tradisaun Musulmanu nian hodi hamosu dame no unidade entre nasaun Indonesia no Timor-Leste.
Jornalista : Mateus F. de Deus
