Díli, 10 Marsu 2026 – Operador Telin Timor-Leste (Telkomcel) nia esforsu hodi hametin Sinerjia Dijitalizasaun Suku nian ne’ebé atu aselera transformasaun dijitál iha nasaun laran tomak, nune’e Telin Timor-Leste Telkomcel hala’o enkontru estratéjiku ho administradór Suku Kuluhun hodi ko’alia kona-ba apoiu infraestrutura no atividade dijitalizasaun suku nian.
Reprezentante Jestaun Telkomcel, Sesaltina Jannet da Rosa Maia, hatete Telkomcel iha inisiativa ida-ne’e la’ós de’it emprendimentu negósiu ida, maibé parte ida hosi responsabilidade sosiál empreza nian atu harii nasaun tanba ne’e suku hotu-hotu iha oportunidade hanesan hodi dezenvolve dijitalizasaun ida ne’e
“Dijitalizasaun tenke sente hosi ema hotu, la’ós de’it sira ne’ebé iha sidade boot sira Liuhusi kolaborasaun ho administradór suku sira, ami hakarak garante katak suku hotu-hotu iha oportunidade hanesan atu dezenvolve iha era dijitál ida-ne’e,” dehan Sesaltina Jannet da Rosa Maia, nu’udár Business Incubation Manager Telkomcel, iha Suku Kuluhun
Administradór suku sira simu ho laran-haksolok ho pasu proativu ida-ne’e sira espera kolaborasaun ne’e bele implementa lalais hodi fasilita prosesu rekolla dadus sidadaun nian, garante transparénsia informasaun, no hasa’e kualidade edukasaun ba jerasaun foun sira iha sira nia área.
Xefe suku Culuhun, Deus Dado Martins, argumenta hodi fo agradece Wain ba kompaña Telkomcel ba servisu hamutuk hodi fó apoiu ba iha programa Suku Dijitál ne’ebé sei lansa iha suku culuhun tempu badak.
Enkuantu, Telkomcel hanesan marka komersiál ida husi Telin Timor-Leste, subsidiáriu ida husi Telkom Indonesia Internasionál (Telin), ne’ebé iha kompromisu atu fornese servisu telekomunikasaun ne’ebé di’ak liu no solusaun dijitál ne’ebé inovativu ba povu Timor-Leste
Tanba ne’e iha enkontru ida-ne’e ho objetivu atu taka lakuna teknolojia nian no fornese solusaun sira ba komunidade suku sira atu utiliza ekosistema dijitál iha sira nia moris loro-loron no administrasaun ka jesaun suku nian.
Enkuantu, Telkomcel nia Foku prinsipál hodi apoiu, durante diskusaun Telkomcel trasa pontu xave oioin ne’ebé sei sai hanesan pilár sira ba kolaborasaun iha futuru oin mai mak, Fornesimentu ba Konetividade ne’ebé Estavel, Asegura asesu ba internet ho kualidade disponivel iha eskritóriu suku nian hodi suporta sistema administrasaun bazeia ba online.
Alende, Literasia Dijitál ba Ofisiál suku sira mak, Programa formasaun ida ba administradór suku sira atu hadi’a sira nia profisiénsia iha utilizasaun plataforma dijitál sira iha servisu públiku sira.
Apoiu Atividade Komunitária, juventude no atividade sosiál sira iha suku ne’ebé orienta ba utilizasaun teknolojia informasaun, Dezenvolvimentu Ekonómiku Lokál, Enkoraja komersializasaun produtu superiór suku nian liuhosi plataforma dijitál ne’ebé hetan apoiu hosi rede Telkomcel
Ekipa kobertura : Zeus News
