Díli, 5 Fevereiru 2026 – Provedoria Direitus Humanus no Justisa (PDHJ), Virgilio Guterres da Silva, hateten sei uza nia kompetensia hodi halo komunikasaun Politika ho entidade relevante sira, relasiona ho ka didatu foun ba rekrutamentu PNTL ne’ebé naran aprovado maibe la admite atu tuir teste mediku.
“Hafoin hasoru malu ho alin sira ne’ebé sai kandidatu ba prosesu rekrutamentu PNTL nian, rona porta vos nain neen koalia hotu, iha pontu tolu maka Provedoria deside atu halo, ida provedor uza nia kompetensia atu halo komunikasaun politika ho entidade relevante iha kazu ida ne’e Ministeriu Interior, ho Komisariu Jeral PNTL nian, atu buka hatene detallu kona-ba prosesu rekrutamentu ne’e, ida segundu orienta ona diresaun fiskalizasaun atu hahu ohin buka hetan dokumentu sira liu-liu kona-ba desizaun ne’ebé tuir alin sira apresenta la admite sira ba fase teste Mediku nian, teseiru pontu orienta ekipa legal halo analisa ba dokumentu legais, primeiro Jornal da republika ne’ebé publika kona-ba prosesu rekrutamentu atu hare mekanismu sira ne’ebé sai iha Jornal da republika ne’e” dehan Virgilio Guiterres ba jornalista iha residensia Excelsior Resort pantai-kelapa
Virgilio Lamuka Sublina, kualker prosesu rekrutamentu labele hamosu diskrimisaun bazeia ba rasa, relijiaun, estatutu sosial, ne’e kontra Direitus humanus
“Iha nivel politika Direitus humnus nian buat ne’ebé provedor advoga maka Kualker prosesu rekrutamentu, atu iha polisia ka funsionariu publiku ka, atu iha ne’ebé de’it labele hamosu diskrimisaun bazeia ba rasa, bazeia ba relijiaun no bazeia ba Estatutu sosial” nia haktuir
Provedor informa, polisia nia oan no Veteranus nia oan pasa iha rekrutamentu kadetes foun Polisia Nasional Timor-Leste (PNTL) 2025 tanba kualifikasuan liu tanba ne’e mosu fali familiarismu ita presiza halo investigasaun
“Polisia nia oan ka veteranu nia oan sira liu iha ne’eba dala ruma tanba sira nia kualifikasaun, mas atu hatene liu iha ne’eba tanba familiarismu ka diskrimisaun, ita presiza investiga, atu hatene mekanismu sira sira ne’ebé iha fatin, prosesu sira husi fase por fase husi dokumentu nian , mai eskrita mai fisika mai piskolojia, so dadus sira ne’e mk hatudu mai ita katak, iha ka lae diskriminasaun” nia hakotu
Jornalista : Mateus F. de Deus
