Dili 12 Maio 2026-Provedoria Direitus Humanus no Justisa (PDHJ), Virgilio Da Silva Guterres “Lamuka” hatete Dili Dialogue Forum ne’e ba Media sira hodi reflete hodi labele sai fatin ba ema seluk hodi fase nia ropa foer iha laran
“Eventu Dili Dialogue Forum ba Media atu reflete, uluk kedas hau hateten dehan media ita labele sai fatin ba ema seluk atu fase sira nia Ropa foer se jornal sira, pajina jornal sira labele sai fatin ba ema atu mai fase sira nia foer, ita labele fo ba ita nia publiku buat ne’ebé la iha valor entaun ita tenke fiar katak saida mak ita hakerek saida mak ita publika liu husi ita nia media buat ne’ebé ke iha valor ba ita nia povu” dehan Provedoria Direitus Humanus no Justisa (PDHJ), Virgilio Da Silva Guterres “Lamuka” iha Dili Dialogue Forum GMN bebora
Nia hateten, servisu jornalismu ne’e iha nia risku ne’ebé boot nune’e sai jornalista tenke brani hodi hasoru risku sira ne’e
“imi hotu hatene , maluk sira hotu hatene katak servisu jornalismu ne’e laos servisu ida ne’ebé ke dala ruma ema bain-bain hateten dehan ne’e ema bain-bain ba intervista ema mak ne’e ona la iha, nia risku ne’e ba bei-beik, ita hare ita nia problema sira durante ne’e entaun presiza agora presiza mos aten brani, kuandu la foti risku ne’e ema ne’ebé la foti risku ne’e sai jornalista, se ita hare Balibo Five Gouzarris, Camalba Amadas, Sander Tunes mate iha ne’e ita hotu hatene ne’e fo hanoin ba ita katak servisu jornalismu ne’e risku buka lia los ne’e nia risku boot” Virgilio Guterres esplika
Enkauntu halo investigasaun konaba kazu korupsaun balun ne’ebé liga ho politika balun nia interese no kompaña ne’e sai risku boot ba jornalista sira, tanba oinsa atu hametin media nia korajen no jornalista sira hodi kontinua kontribui no hadia papel instrumentu kontrolu sosial paz iha sosiedade
Jornalista: Aniceto da Silva
