Díli, 6 Fevereiru 2026 – Sekretariu Estadu Komunikasaun Sosial (SEKOMS) liu husi Departementu IT kria website ba ChildFund Timor-Leste hodi fo protesaun ba labarik liu husi informasaun no mos ema hotu bele asesu servisu ChildFund nian liu husi nia Website.
Koordenador Projetu Swipe Safe (KPSS), Alexandre Pires Mendes hateten, iha inisiu halo ona parseria hamutuk ho Governu liu husi Sekretariu Estadu Komunikasaun Sosial (SEKOMS) nune’e hodi kria website ChildFund nian hodi ema hotu asesu informasaun servisu ChildFund nian.
“Desde inisiu bainhira halo parseria hamutuk ho parte stack Holder ka Governu nian liu husi SEKOMS iha ne’eba mos iha hanoin ida oinsa maka ChildFund iha ninia website rasik atu nune’e informasaun ne’ebé ke servisu ne’ebé ke ChildFund halo bele mos ba asesu ba ema hotu-hotu saida maka ChildFund halo” Dehan koordenador Projetu Swipe Safe, Alexandre Pires Mendes, ba jornalista iha Kolmera Tais Market
Alende iha mos akordu ho Sekretariu Estadu Komunikasaun Sosial (SEKOMS) hodi promove protesaun labarik iha meiu online no mos iha eskola sira.
Alexandre hatete, durante servisu ne’e hetan apoiu makas husi Sekretariu Estadu Komunikasaun Sosial (SEKOMS) liu husi Jornal parede dijital iha eskola ne’ebé hanesan Channel ida hodi materia ne’e liga ho protesaun labarik sira iha online nune’e ema hotu bele asesu.
“Servisu ne’ebé ke halo durante ne’e maka ami hetan apoiu makas husi SEKOMS liu-liu kria jornal parede dijital iha eskola sira hanesan Channel ida oinsa maka materia ne’ebé ke iha ligasaun ba iha protesaun labarik iha online bele asesu ba labarik sira” nia hakuir.
Sefe Departementu IT-SECOMS, Sandra De Jesus Brites, hatete nu’udar responsavel IT-SECOMS hodi fo apoiu tekniku dezenvolvimentu website ChildFund Timor-Leste no to’o fase lansamentu Website ne’e tanba iha ona kooperasaun entre SECOMS ho ChildFund Timor-Leste iha tinan 2025 ne’e.
“Departamentu IT-SECOMS nian responsavel ba apoiu prosesu tékniku tomak dezenvolvimentu website ChildFund Timor-Leste, hosi planeamentu estruturál no dezeñu interfàcia website nian to’o faze lansamentu objetivu prinsipál mak atu suporta no hametin koperasaun entre SECOMS no ChildFund Timor-Leste bazeia ba akordu Nota Entedimentu (MoU) ne’ebé asina husi Sekretáriu Estadu Komunikasaun Sosial, Sr. Expedito Loro Dias Ximenes no ChildFund Timor-Leste Sra. Alzira dos Reis nu’udár Diretora CFTL, iha fulan Abril Tinan 2025” tenik Sandra de Jesus Brites.
Sandra Brites haktuir, Akordu entre governu liuhosi SEKOMS no ChildFund Timor-leste atu servisu hamutuk hodi promove literásia dijital hanesan programa Jornál Parede Dijitál no Swipe Safe, nune’e hodi permite públiku sira atu asesu informasaun husi programa hirak ne’e ho fásil no transparente liután.
Jornalista : Aniceto Dias
Maun Eligio sempre sai pessoal ne’ebé mak gosta kontribui ba dezenvolvimentu IT iha TL. Maun la hatene kolen no la sura kolen. Orgullu TL iha rekursu hanesan ita-bo’ot. Susesu nafatin maun