Relasiona ho osan sentavus 200 ne’ebé dadaun ne’e sai preokupasaun ba publiku no sidadaun hotu iha Timor-Leste, tanba foin lalais Banku Central Timor-Leste (BCTL) no Polisia Sientifiku Investigasaun Criminal (sigla portugés PCIC) indentifika ona osan sentavus 200 Tinan 2017, falsu ne’ebé sirkula iha nasaun Timor-Leste, nune’e la iha razaun hodi rezeita osan 200 centavus maibe nafatin sirkula iha territoriu Timor laran Tomak
Vise Governador Banco Central Timor-Leste (BCTL) Sara Lobo Brites, hateten osan 200 sentavus ne’ebé sai preokupasaun ba publiku no redusaun husi merkadu inklui loja interbasional no lokal, nune’e osan 200 sentavu nafatin sirkula iha Timor-Leste la iha razaun hodi rezeita tanba osan 200 centavus ne’e moeda Timor nian
“Banku central hakarak Informa katak oras ne’e dadaun Osan ne’ebé mak Banku central publiku paniku tanba 200 sentavus ne’ebé maka banku sentral demite sirkula iha merkadu hetan redisaun husu Loja nain sira tantu Loja internasional no lokal iha biban ne’e ami hakarak informa ba hotu hotu katak Osan ne’ebé maka Banku central demite 200 sentavus ne’e osan ofisial legal no tenki kontinua sirkula tanba ne’e ita nia osan no la iha razaun atu rezeita” dehan Vise Governador Banco Central Timor-Leste (BCTL), Sara Lobo Brites, liu husi Konfrensia Imprensa iha resintu (BCTL)
Diretor Geral Comercio Industria, Elias de Jesus Fatima, hateten Ministeriu Comersiu Industrial (MCI) sei hamutuk ho Banku Central Timor-Leste (BCTL) Autoridade sira hodi halo monitorizasaun no sosializa ba publiku ho negosiante sira atu nafatin utiliza Osan sentavus 200 iha Rai laran
“Ministeriu Komersiu no Industrial kordenasaun ho Banku Central Timor-Leste, bazeia ba situasaun ne’ebé maka la’o dadauk iha ita nia rai laran ami atu Informa katak hamutuk ho BCTL no Autoridade hodi halo Monitorizasaun no Sosializasaun ba Komunidade Negósiu no Negosiante Sira atu utiliza nafatin Moeda ne’ebé mak espalla iha komunidade nia let dehan iha falsu osan 200 sentavus ne’e orizen duni no ita nia Nasaun sei utiliza nafatin to’o ohin loron ne’ebé la iha razaun ba Komunidade Negósiu sira atu rezeita fali osan ne’e”Nia informa
Entretantu, Banku Central Timor-Leste (BCTL) servisu hamutuk ho Polisia Nasional Timor-Leste liu husi polisia Sientifiku Investigasaun Criminal (sigla portugés PCIC) no Dirensaun Nasiona Sientifiku Investigasaun Kriminal (DNSIK) kontinua buka tuir hahalok bandalismu no Kriminozu sira ne’ebé produs Moeda falsu iha Timor-Leste
Jornalista : Mateus F. De Deus
