Díli, 16 Marsu 2026 – Kandidatu kadetes foun PNTL 10.197 ne’ebé la pasa ba teste Mediku halo ne’e asaun pasifiku hodi marsa husi resintu Universidade Nasional Timor Lorosae (UNTL) sentral ba Ministerio Interior (MI) nia oin, hodi ezize Konseilu Ministru anula Total ba vaga rekrutamentu Polisia Nasional Timor-Leste (PNTL) tinan 2025
Porta-voz, Tito Ornai Missa, hateten prasu loron 20 termina ona ho deklarasaun supervizaun fo sai ona rezultadu katak, Polisia nia oan no veteranus nia oan ne’ebé passa iha vaga rekrutamentu PNTL 2025, mak polisia nia oan 71 no veteranus nia oan 72, tanba ne’e husu atu anula total
“Konsello Ministru dehan fo sai fali quarta entaun oin ami nia asaun tenke kontinua lao tanba ami hare ba prasu ba 20 dias ne’e termina ona tanba saida maka kontinua la fo entaun deklarasaun husi supervisaun hatete katak identifika 71 ne’e Polisia nia oan 72 ne’e veteranus nia oan mais sera ke Polisia nia alin, nia subrinu, nia familia sira la halo investigasaun ida ne’e problema ida ne’e maka ami nafatin rejiste para anula total” dehan porta-voz Tito Ornai Missa iha Kampus lama Kaikoli
Portavoz ne’e afirma, senti ladun satifas tanba komisaun Supervizaun la halo Investigasaun ba Polisia nia familia no primo nomos rekomendasaun politiku sira iha vaga rekrutamentu kadetes foun Polisia Nasiona Timor-Leste (PNTL) tinan 2025 ne’e
“la dun satisfas ita hare katak 71 polisia nia oan entaun Polisia nia alin, Polisia nia subrinu, Polisia nia familia ida nee sira la halo verifikasaun ida ne’e problema atu rekomenda ba politika sira tanba konkursu publiku sidadaun hotu-hotu iha direitu hanesan tantu veteranus nia oan polisia nia oan povu nia oan prense kriteiru tenke komprementa ba lei sira” nia Afirma
Iha sorin seluk, Antonio da Costa Guterres haktuir, Provedoria Direitus Humanus no Justisa (PDHJ) indentifika ona sistema familiarismu no nepotismu mosu duni iha vaga rekutamentu PNTL 2025
“Publiku barak maka sei duvidas ho ami nia luta ida ne’e luta koletivu la signifika ami luta ida ne’e atu sai fali manan nain ba PNTL maibe ami luta ne’e tenke tuir buat ne’ebé justo tanba iha ne’eba sira kontra ona diploma ministerial no PDHJ mos halo fiskalizasaun katak sistema familiarismu nepotismu nee mosu duni entaun ho ida nee maka ami rejistu tanba ami la gosta injustisa ami hakarak liu PNTL ne’e tenke justo ho lolos para atu servi rai ida ne’e ba oin” afirma Antonio
Antonio hatutan, Timor-Leste mantein ho sistema famliarismu no nepotismu mak sei hakoi Nasaun Timor-Leste iha futuru oin mai
“Se ita kuando nafatin mantein familiarismu nepotismu sira ne’e senti ita rasik hakoi ita nia nasaun ida ne’e nasaun ida ne’e demokrasia liberdade ba ema hotu-hotu uluk ita nia avo visabo sira ukun an ba ita, ita tenke servi ba oin labele hakoi fali ita nia rai ida ne’e ami luta ida ne’e signifika la’os atu sai manan nain atu ba PNTL maibe la gosta injustisa” nia hakotu
Jornalista : Mateus F. de Deus
