Dili, 10 setembru 2026-Arcebispu Metropolitano Dili Dom Virgilio Cardeal Do Carmo Da Silva, nia omilia hatete, iha ambito sermonia misa ikus ba preladus nain haat nia restus mortais iha tasi tolu Dili, preladus sira lao hamutuk ona iha istoria, entrega mai Timor-Leste no halot hodi fo valor ba sira
“Ema Santu sira ne’ebé la’o hamutuk ho ita iha ita nia istória, no iha momentu ida ne’ebé, nia entrega Saudozu preladus fiar mai ita Timor-oan sira, atu lori sira nia restus mortais mai hakoi iha rai Santu ida ne’e. Atu ita hatene fó folin, fó valór ba istória hamoris memória no kontinua sira nia liman rohan ne’ebé sira husik mai iha ita” dehan Dom Virgilio Cardeal Do Carmo Da Silva, iha nia omilia misa Tasi-Tolu
Dom Virgilio dehan, serimionia misa solene ba preladus sira hanesan asaun grasa ida ba maktoba preladus sira nia restus mortais tanba antes husik mundu ne’e preladus nain nia sakrifisiu makas ba uma kreda nian.
“Moris rai hela liman rohan espiritual nian, mak ita ohin halibur hamutuk iha missa solene ida ne’e, nu’udar ita nia asaun grasa ba ita nia doben maktoban preladus sira nia restus mortais. Sira mós bainhira sei moris, sira mós rekoñese sira nia fraziildade, vertude, mortalidade, sira hatene katak, sira mós sei la moris ba nafatin, nune’e mak sira fó hotu sira nia enerjia, forsa, saúde, matenek, sira nia moris ba nasaun uma kreda nian” nia dehan
Lider Igreja katolika salienta katak, saudozu preladus nain haat sai ona lian ba lian laek sira iha tempu funu nian, hodi haklaken esperansa konsolasaun ba povu nia moris iha presaun nia laran
“Misaun ida ne’e mak ita nia saudozu preladu sira hala’o iha tempu susar funu nian, sira sai ona lian ba lian laek sira, sira haklaken lian esperansa no konsolasaun nian ba povu sira ne’ebé moris iha presaun nia laran, sira servisu maka’as ba rekonsiliasaun no perdaun Preladu sira ne’ebé ohin ita hanoin sira nia urna iha ita nia leet, halo sira nia misaun pastoral, hodi hatete nafatin ba modelu bibi atan di’ak, ita Nai” nia salienta
Hafoin misa hotu restos mortais preladus nain hat, Bispu Dom Alberto Ricardo Da Silva, Dom Jaime Garcia Goulart Monsenhnor Dom Martinho da Costa Lopes no Joaquim Ribeiro, translada kedas ba Igreja Imaculada Da Conçeição Catedral Dili halot tuir fiar igreja katolika nian
Jornalista: Aniceto da Silva
