Dili, 04 Agostu 2026-Governu Timor-Leste liu husi Ministerio Interior (MI), Servisu Migrasaun entrega sidadaun nain 2 ba Embaixada Xina iha Timor-Leste hodi haruka fila ba nia rai orijen rasik, tanba sidadaun nain rua ne’e hetan lista Red Notice husi INTERPOL
Sidadaun nain rua ne’e la komete kazu ruma iha Timor-Leste, maibe sira komete krime iha nia rai Republik Popular Xina hodi halai mai nasaun Timor-Leste nune’e autoridade seguransa husi Polisia Sientifiku Investigasaun Kriminal (sigla portuges PCIC) kaptura iha Aeroportu Internasional Nicolau Lobato Comoro Dili iha loron 19 Jullu 2026 tanba alvu ba Red Notice husi INTERPOl nian.
Tanba ne’e Servisu Migrasaun Timor-Leste (SM-TL) halo kooperasaun ho Embaixada iha Timor-Leste hodi halo estradisaun ba Xineza nain rua atu fila ba nia rai orijen hodi kumpri julgamentu iha sira nia rain rasik
Diretor Ezekutivu Servisu Migrasaun, Komisariu Asistensia Polisia, Jorge Monteiro hatete, Governu Timor-Leste la halo expluisaun ba sidadaun ka la deporta sidadaun ruma maibe ba sidadaun nain rua ne’ebé Timor-Leste haruka fila ne’e orijen husi Republik Popular Xina.
Nia hatutan, Parte autoridade seguransa husi Polisia Sientifiku Investigasaun Kriminal (PSIC) kaptura iha dia 19 Jullu 2026 nune’e iha fatin ne’e kedan parte seguransa entrega ba servisu Migrasaun hodi halo kooperasaun ho Embaixada Republika Popular Xina iha Timor-Leste hodi entrega no haruka fila ba nia rain
“Ohin ne’e ita la halo expluisaun ba sidadaun ruma ita mos la halo deportasaun ba iha sidadaun ruma, klaru ke sidadaun nain rua ohin husi xina ohin halo viajen fila ba sira nia rai ne’e sidadaun nain rua ne’e sidadaun husi Republika Popular xina nian, sidadaun nain rua ne’e ita nia parte autoridade seguransa interna nian entrega ba iha servisu imigrasaun iha semana rua ba kotuk iha dia 20 de Jullu 2026, depois ita nia autoridade entrega mai iha parte servisu imigrasaun iha tempu ne’eba kedas iha dia 20 direitamente ita kontinua entrega ba iha Embaixada Republika Popular Xina iha Timor-Leste” dehan Diretór Ezekutivu Servisu Migrasaun, Komisáriu Asistente Polisia, Jorge Monteiro iha Aeroportu Internasional Nicolau Lobato Komoro Dili
Ekipa servisu husi Republika Popular xina to iha Dili loron 03 agostu nune’e hodi halo kooperasaun ho Servisu Migrasaun Timor-Leste nune’e haruka fila Sidadaun nain rua ba nia sidadaun orijen iha loron 04 fulan Agostu ne’e hodi kumpri julgamentu no sentensa nian
Sidadaun nain rua ne’e durante sira iha Timor-Leste halo prosesu investigasaun husi Autoridade seguransa internal sira halo sidadaun nain rua ne’e la komete krime ruma iha nasaun Timor-Leste no la iha ligasaun ho Krime Schaming Call Center no Burla Informatika nune’e Autoridade seguransa entrega ba Servisu Migrasaun hodi entrega fali ba Embaixada Republika Popular Xina iha Timor-Leste.
Jornalista: Aniceto da Silva
