Díli, 9 Fevereiru 2026 – Provedoria Direitus Humanu no Justisa (PDHJ), Virgílio Da Silva Guterres, hatete hare husi faktus sira ne’e hodi halo karta ba Ministeriu Interior (MI) ho nia konteudu hodi anula prosesu rekrutamenta ba Polisia Nasional Timor-Leste (PNTL) foun nune’e hein prosesu investigasaun.
“Husi averiguasaun ba faktus ne’ebé ke iha ba rekrutamentus sira ne’ebé ke iha provedor ohin haruka ona karta rua ida ba Ministeriu Interior dirije ba Ministeriu Interior ne’ebé ke nia konteudu ne’e husu rekomenda ba Ministeriu Imterior atu suspende ka anula prosesu rekrutamentu ne’e hodi hein prosesu investigasaun ga ou husu atu re-avalia atu nune’e atu redus preokupasaun publiku liu-liu ba kandidatus sira ne’ebé ke agora manifesta hela sira nia preokupasaun”.
Enkuantu ida ne’e mos Provedoria Direitus Humanus no Justisa (PDHJ) hato’o karta ba Presidente Parlamentu Nasional (PPN) husu atu komisaun inkeritu Parlamentar ida hodi halo investigasaun tanba Parlamentu Nasional iha kompetensia tanba lista ne’ebé publika iha media ho numeru 400 ne’e maioria komisaun juri no komandante sira nia oan,
“Karta ida ami dirije ba Presidente Parlamentu ho husu atu parlamentu bele estabelese komisaun inkeritu hodi halo investigasaun tanba parlamentu bele uja nia kompetensia atu halo inkeritu parlamentar hodi abrigua, tanba dadus sira ne’ebé ke ami hetan buat ne’ebé ke ita hare hetan ne’e mak ne’e” nia informa.
Enkuantu lista ne’ebé fo sai ba kandidatu kadetes PNTL foun admitidu hodi pasa ba teste mediku maioria Polisia Nasional Timor-Leste (PNTL) nia oan no Komandante balun ne’ebé iha komisaun juri nia oan mak pasa ba teste mediku.
“Iha lista ne’ebé ke sai sira ne’ebé ke aprovadu ka admitidu atu ba tuir ne’e maioria Polisia nia oan liu-liu komandante ne’ebé ke tur iha komisaun juri i mos komandante balun komandante jeral komandante munisipiu sira ne’e sira nia oan nakonu iha ne’eba entaun faktus sira ne’e hamosu deskonfiansa tiha ona” tenik nia
Jornalista : Aniceto Da silva
