Díli, 17 Fevereiru 2026 – Vise-Primeiru Ministru (V-PM) ho komunidade Xineza iha Timor-Leste hodi Festeza hamutuk selebra Tinan Foun Xineza nian iha xina maromak hafoin komprimenta mos ba Embaixador China iha Timor-Leste simu ho Ritual sangbaia husi kultural China nian
Komunidade Xineza iha Timor-Leste halibur malu iha Xina Maromak nia fatin hodi halo sangbaia kulturál atu marka selebrasaun Tinan Foun Xineza. Depois hosi ritual no sangbaia ne’e, lideransa komunidade sira ba hato’o komprimentu ba Embaixadór China mai Timor-Leste, hanesan parte husi tradisaun loron bo’ot ne’e.
Alende, komunidade Xineza iha Timor-Leste hamutuk 20 mil ital hamutuk ho komunidade Xineza sira iha mundu ne’ebé selebra festaza pasajen Tinan Foun Xineza ho alegria Festival Primavera nian.
Prezidente ACCCTO, Katleen Gonçalves hateten, komunidade Xineza hamutuk halo selebrasaun ba Ano Novu Xineza nian no lori alegria primavera nune’e mos halo kooperasaun ekonomiku komersia iha Timor-Leste.
“Ita hotu hatene katak komunidade Xineza hamutuk iha selebrasaun anu novu Xineza nian, lori alegria Festival Primavera mai iha ita nia rai laran, no mos halo koperasaun ekonómika, komersiál no kulturál,” hateten Katleen ba jornalista sira iha Xina maromak, Formoza
Nia haktuir, iha Timor-Leste, komunidade Xineza konsidera loron ne’e hanesan loron espesiál tebes maibé, to’o agora seida’uk sai feriadu públiku ofisiál ba komunidade Xineza, maski iha Timor-Leste komunidade relijiozu sira hanesan komunidade Islamiku hetan ona loron rua feriadu públiku, nune’e komunidade Xineza hato’o ona karta pedidu ba Parlamentu Nasional (PN) hodi tau importansia mos ba loron Xineza sai Feriadu publiku iha Timor-Leste
“Loron Tinan Foun Xineza hetan toleránsia di’ak, maibé ami mos hatama ona karta ba Parlamentu no Governu atu husu bele tau atensaun no importánsia ba loron ida ne’e,” nia dehan.
Prezidente ACCCTO husu ba komunidade Xineza sira kontinua servisu ho di’ak no kontribui ba dezenvolvimentu nasaun Timor-Leste nian no mos apela ba membru komunidade sira ne’ebé envolve iha setor konstrusaun atu fó prioridade ba servisu ne’ebé iha kualidade no responsabilidade.
Jornalista : Mateus F. De Deus
