Díli, 17 Fevereiru 2026 – Vise-Primeiru-Ministru (V-PM), Francisco Kalbuadi Lay, hatete marka prezensa iha selebrasaun ne’e hodi hato’o boas festa ba Embaixadór no komunidade Xineza sira ne’ebé hamutuk hodi selebra no festeza tinan foun tanba nu’udar ema ida de’it
“Hau husu ba Nai Maromak atu tulun ita hotu-hotu. Amu Pope Francis mos fó hela lia-fuan kona-ba fraternidade umana, katak iha loron saida deit ita bele festeza hamutuk nudar ema ida deit. Hau mai hato’o boas festa ba Embaixadór ho nia ekipa no komunidade Xineza iha Timor-Leste,” dehan V-PM
Selebrasaun Tinan Foun Xineza iha Timor-Leste ne’e hatudu toleránsia relijioza, diversidade kulturál no relasaun amizade ne’ebé metin entre povu Timor-Leste no povu Xina.
Embaixadóra Xinaza Timor-Leste, Wahng Wenli, hateten selebrasaun tinan foun xina nian sira hakarak dedika oinsa hametin koperasaun Xina ho Timor-Leste ba iha futuru.
Nia realsa lori komunidade Xineza iha Timor-Leste hato’o haksolok iha tinan foun Xina nian, espera selebrasaun tinan foun ida ne’e komunidade xineza iha Timor-Leste bele moris iha paz estabilidade nia laran hodi kontribui ba prosesu dezenvolvimentu iha Timor-Leste.
“Husu mos sidadaun Xineza iha Timor-Leste hodi hametin kultura no indentidade promove paz iha Timor-Leste,” nia konklui.
Jornalista : Mateus F. De Deus
