Díli, 20 Fevereiru 2026 – Asosiasaun Akademika Fakuldade Edukasaun no Umanidade, husi Universidade Nasional Timor Lorosa’e (UNTL) hamutuk ho Xefe Departementu AED hodi hamutuk ho estudante hodi defende direitu estudante sira nian tanba professor nain 11 tama ona reformadu ho idade 65 ne’ebé afeita ba aprendizajen iha ensino Universidade nian.
Porta Voz- Januario Espirito Santo, hatete konaba iha implementasaun lei nu° 0 09/2025 reforma obrigatoriu ba funsionariu ne’ebe nia idade atinji ona 65 nune’e Asosiasaun Akademika Estudantil, Fakuldade Edukasaun no Umanidade (AAE-FEU)-UNTL hamutuk ho finalista ho estudante ativu atu kondena ba Reitor hodi destaka professor ba departementu lingua portugés
“Relasiona ho implementasaun Lei N.0 09/2025 konaba reforma obrigatoriu ba funsionariu publiku ne’ebé atinji ona idade 65, mak Asosiasaun Akademika Edudantil Fakuldade Edukasaun no Umanidades UNTL, hamutuk ho estudante ativu no finalista hakarak hola mos pozisaun tamba afeta ba funsionamentu departamentu, iha ne’ebé Profesor iha departamentu lingua portuguesa hamutuk nain 14, husi total ida ne’e Profesor ida halao hela nia kursu doutoramneto iha Brazil, nain 11 mak notifikadu ona hanesan profesores reformadu no hela nain ida deit mak halao nia funsaun iha departamentu hanesan vise diretora, ida ne’e ameasa ba departamentu tamba sei labele garante funsionamentu departamentu nian liliu prosesu ensino” Dehan porta Voz, Januaro Espirito Santos, iha kampus liceu UNTL
Enkuantu, problema ne’ebé Estudante Hasoru submete ona karta ba Fakuldade Edukasaun no Umanidade nian iha loron 3 Fulan Fevereiru 2026 alende ne’e mos halo audensia ba estrutura fakuldade no mos hasoru Magnifiku Reitor Univesidade Nasional Timor loro sa’e (UNTL) iha loron 15 Fevereiru 2026 maibe nafatin la iha solusaun no la iha klarifikasaun ruma.
“Ho situasaun ida ne’e AAE-FEH hamutuk ho Chefe AED hola nia papel importante hanesan reprezentante estudante hodi defende direitu legitimu estudante sira nian liuliu prosesu ensino iha DLP, no iha sorin seluk submete ona karta ba sr. Dekanu Fakuldade Edukasaun no Umanidade hanesan orgaun maximu Fakuldade nian iha loron 3/02/2026, nune’e mos AAE-FEH hasoru direita hodi halo audensia ho estrutura fakuldade inklui hato’o mos ba magnifiku Reitor iha dia 16/02/26 liu husi reuniaun nivel asosiasaun estudantil ho magnifiku reitor maibe ladauk iha klarifikasaun serteja” porta Voz informa
Alende iha loron 19 Fevereiru 2026 Asosiasaun Akademiku Estudantil, Fakuldade Edukasaun no Umanidade (AAE-FEU) hodi konfirma ba fakuldade no universidade maibe la iha resposta ruma maibe ne’e halo ignorasaun bele afeta ba prosessu ensino iha departementu nian
“Ho nune’e iha dia 19/02/2026 assosiasaun nafatin konfirma ho parte faculdade no universidade maibe laiha resposta ne’ebé hanesan, Ida ne’e hanesan ignoransia ida ne’ebé bele afeta ba prosesu ensino iha departamento lao tarde, ida ne’e hatudu momos katak lideransa faculdade no universidade la iha lina kordenasaun no laiha seriedade hodi rejolve problema ne’ebé estudante DLP hasoru” nia hakotu
Jornalista : Aniceto da Silva Dias
