Díli, 23 Fevereiru 2026 – Presidente Autoridade Protesaun Civil (APC) Jesuino Carvalho, hatete husu ba Igreja atu apoiu Autoridade Protesaun Sivil (APC) nia servisu bainhira mosu inundasaun iha Munisipiu no Dili bele apoiu kondisaun nune’e ekipa sira halo evakuasaun ba komunidade.
“Hanesan ohin hatete ona iha parte balun ne’ebé mak hakarak fó apoiu, liu-liu fatin evakuasaun ami hakarak husu ida ne’e liu-liu mós ba Igreja karik ami bele utiliza salau paroquia bele apoiu ba ita nia komunidade sira karik mosu akontesimentu hanesan hodi kalan,” dehan Presidente Autoridade Protesaun Sivil Jesuino Carvalho ba Jornalista sira iha Salaun Konferénsia APC, Kaikoli
Nia dehan tuir planu iha tinan ne’e Autoridade Protesaun Sivil (APC) sei harii sentru evakuasaun iha Taibesi, nune’e mosu inundasaun karik bele halo de’it evakuasaun ba komunidade ba sentru evakuasaun ne’e de’it
“Sim ami iha planu atu harii sentru konsentrasaun iha taibesi, ami sei harii ami nia edifisu bo’ot ida iha ne’ebá, i Kaikoli mós iha edifisu ida-ne’e, ami nia edifisu ne’e tau kedas ho sentru evakuasaun iha laran tanba agora dadaun iha hela dezeñu nia laran hein ba kontrusaun de’it,” nia dehan.
Kona–ba orsamentu ne’e iha tuir loos CNA mak halo tenderizasaun ne’e la’ós kompetia mai Autoridade Protesaun Sivil nian.
“Ami husu de’it ami edifisu harii ona ami hakarak utiliza, tuir ami nia servisu tanba ne’e mak ami husu sé bele karik iha tinan ida ne’e, atu nune’e ami bele responde ba situasaun sira hanesan ne’e i ami hakarak servisu hamutuk ho parte relevante sira seluk hanesan Caritas, CVTL karik sira nia fatin iha ita halo evakuasaun mós salau paroquia sira, la’ós iha Dili de’it maibé iha Munisípiu hotu-hotu,” nia informa.
Tanba komunidade sira bainhira mosu akontesimentu sira hanesan sira hakbesik an liu ba Igreja tanba ne’e Autoridade Protesaun Civil (APC) hanoin hela atu halo kordenasaun ho parte Igreja nune’e bele prepara mós kondisaun balun.
“Baibain ita hotu-hotu hatene sitausau saida de’it mak akontese ita nia komunidade sira hakbesik an liu ba Igreja, ne’e mak ami tenke halo relasaun di’ak nune’e ami bele haree fali kondisaun Igreja oinsá bele suporta tau bee, nune’e kondisaun sira ne’e bele trata ho dignu, liu-liu ba Ema ho defisiénsia sira no mós ferik katuas kondisaun di’ak bainhira ita halo evakuasaun ba fatin sira hanesan,” nia esplika
Hanesan Presidente Autoridade Protesaun Civil husu ba parte hotu-hotu atu bele apoiu servisu Autoridade Protesaun Civil nia servisu.
“Hanesan Presidente Autoridade Protesaun Civil husu mós ba parte no instituisaun relevante ou karik Igreja ami hakarak husu iha situasaun emerjénsia hanesan mai bele hakbesik an ba halo evakuasaun ba ita nia komunidade, ne’ebé iha fatin ne’ebé mak apoiu ami husu tebes ho laran atu apoiu ami nia servisu, liu-liu atu fó hela fatin sira ne’e para ami evakua komunidade sira ne’ebé mak afeita ba inundasaun sira nune’e bele fó apoiu servisu protesaun civil,” nia relatá.
Tanba ne’e agora delega ona Diretór sira ba halo aproximasaun ho parte relevante sira liu-liu fatin karantina Tasi-Tolu karik bele orsida iha situasaun saida ruma karik bele traferensia sira ba iha ne’ebá
“Tanba iha ne’e kuandu udan makas iha ne’e mós bee tama, sira mai iha ne’e tanba sira hatene ami besik hela sira ami bele fó apoiu sira maibé Kuandu barak ona, entaun husu parte balun mais sei kordena para mai ajuda hodi evakua ba tasi-tolu,” nia Konklui.
Jornalista : Aniceto da Silva
