Dili, 3 Marsu 2026 – Presidente da Republika Demokratika Timor Leste (RDTL), Jose Manuel Ramos Horta, hateten Veteanus nia Misaun la remata ho Independensia tanba veteranus mak sai hanesan odamatan memoria Istoria Timor Leste nian
“Veteranus sira imi nia misaun la remata ho Independensia, imi mak hanesan Hamrik iha odamatan ba memoria istorika, imi mak hanesan uma rin ba estabelidade nasional, imi mak Ezemplu moris ne’ebe hatudu disiplina ho organizasaun Unidade” dehan Presidente Republika, Ramos Horta, iha Conselho Combatentes da Libertasaun Nasional (CCLN) sigla Portugues, Comoro Dili.
Xefe Estadu konsidera selebrasaun loron Veteranus 03 de Marsu atu hametin uniade nasional no diversidade ne’ebé iha laos problema, sentimentu patriota tau iha buat hotu nia leten
“Selebrasaun ida ne’e tenke hametim liu tan ita nia unidade nasional diversidade ne’ebé iha Rikusoin boot ida diversidade laos problema, diversidade bensaun ida, sentimentu patria tenke iha buat hotu nian leten diferensia hotu- hotu iha okos, hamutuk ita lao nafatin”
Horta Afirma tan katak Nasaun rekoñese Veteranus no povu nia luta Nasaun onra no hamutuk ho Povu no Veteranus
“ho respeitu no gratidaum hau hatete ba imi hotu Veteranus povu, Nasaun rekoñese imi, nasaun onra imi nasaun hamutuk ho imi, Horta Hakotu
Tuir Observasaun Jornalista Zeus News iha terenu nota katak iha komemorasaun loron Nasional veteranus 03 de Marsu 2026 la hetan partisipsaun maximu husi Lider Nasional sira hanesan, Taur Matan Rual, Fransico Guterres, Lu-olo, Marí Alkatiri, inklui atual Primeiru Ministru (PM), Kairala Xanana Gusmão
Jornalista : Mateus F. de Deus
