Baucau, 7 Marsu 2026 – Partidu Kmanek Haburas Unidade Nasional Timoroan (KHUNTO) husi estrutura Nasional hamutuk ho estrutura Munisipiu hodi fo Pose ba estrutura foun hamutuk 1007 iha Postu Administrativu Laga, Munisipiu Baucau, Suku Sae-Lari, KHUNTO Fiar Votus sei aumenta iha Munisipiu Baucau
Presidente Kmanek Haburas Unidade Nasional Timoroan (KHUNTO), Armanda Berta Dos Santos hatene ho presenza husi emposadu foun sira mak Votus KHUNTO sei aumenta iha Munisipiu Baucau iha Eleisaun Presidensial no Parlamentar
“emposadu sira ne’ebé maka oin hetan responsabilidade rihun ida resin hau fiar katak presensa ita boot sira nian sei bele aumenta votus iha Munisipio Baucau agradese mos ba munisipio Baucau ne’ebe maka uluk fo votus mai partidu KHUNTO, karik povu Baucaun laran tomak imi fo fiar nafatin ba partidu KHUNTO partidu KHUNTO sei halo diak liu tan hanesan iha oitavo Governo konstituisional importante ita prepara an oinsa para bele hasoru eleisaun presidente ho eleisaun Parlamentar iha tinan 2027 too 2028 hau fiar katak ita boot sira sei bele aumenta votus iha Baucau laran tomak espesial ba postu Laga” dehan Presidente KHUNTO, Armanda Berta Dos Santos, ba militantes no simpatitantes iha Suku Sae-Lari
Konsileiru Maximu Partidu Kmanek Haburas Unidade Nasional Timoroan (KHUNTO), José dos Santos Naimori Bucar, hatete Khunto nia luta mak atu halo Timoroan hamutuk hodi kria Unidade Nasional atu labele sai bainaka ba nia Rai rasik
“KHUNTO mai atu haluha tiha Passado ne’ebé mak ita halo koko buat foun ida ne’ebé iha ita nia oin, Khunto mai kontinua nia luta hakarak buat ida deit maka timoroan tenke hamutuk ita labele husik hela no ita labele sai bainaka ba ita nia rain rasik” dehan Naimori
Lider Masimu Partidu KHUNTO hatutan, Partidu Kamanek Haburas Umidade Nasional Timor Oan (KHUNTO) nia preparasaun ba programa kada tinan familia uma kain ida hetan $500 no lian nain uma lisan hetan Salariu agora 200$ Osan ba Inan isin rua paradu hotu
“KHUNTO nia preparasaun katak fulan ida povu Timor-Leste hetan osan maka tinan ida hetan 500 dolar ema iha Uma lisan manan osan para hadia ita nia uma lisan KHUNTO nia hakarak ne’e ema hotu-hotu tenke moris hanesan labele fo moris ba ema ida rua deit maibe ita halo ema barak kabun hamlaha KHUNTO nia programa ema hotu-hotu tenke moris hanesan se maka hein uma lisan ita nia luta ne’e nia tenke manan osan tanba osan ne’e laos ema ida rua nia mesak maibe osan ne’e ba ita nia Mina Rasik la iha ema ida riku foti osan husi nia bolsu fo ema, agora osan 200 dolar la iha osan inan isin rua la iha” Naimori hakotu
Koordenador P.KHUNTO Munisipiu Baucau Ângelo Angelito Freitas Correia, hatete Khunto iha mudansa boot iha Baucau, no husu emposadu sira atu servisu makas lori Vitoria ba Partidu Kmanek Haburas Unidade Nasional Timor Oan (KHUNTO) iha Posto Laga, Suku Sae-Lari
“2023 iha eleisaun parlamentar ita iha mil oito eleitores oin ita nia estrutura 1100 pessoas seidauk prense hotu kuando prense hotu 1500 signifika ita iha mudansa, ba emposadub sira knaar ne’ebé ita simu hanesan responsabilidade iha ita nia fatin iha Suku ida-idak iha aldeia ida-idak iha Laga khunto manan maioria iha munisipio Baucaun, emposado sira ne’ebé oin simu responsabilidade, ne’e todan maibe ho pasensia ita lori bazeia ba mandato” Dehan Angelo
Tuir observasaun jornalista Zeus News iha terenu nota katak iha atividade refere iha mos atividade hadame malu entre Joven sira iha Posto laga ne’ebé durante sempre halo problema ba malu, KHUNTO hadame Joven sira no tau hamutuk sira hodi Kria Unidade iha Posto Administrativu laga, Munisipiu Baucau, Suku Sae-Lari
Jornalista: Mateus F. de Deus
