Díli, 13 Marsu 2026 – Kadetes foun ba vaga rekrutamentu Polisia Nasional Timor-Leste (PNTL) iha tinan 2025/2026 ne’ebé la pasa ba teste Mediku, husu Konsellu Ministru (KM) atu kansela total, rekrutamentu kadetes foun PNTL
Porta-Voz, Tito O. Missa hatete husi kandidatu Kadetes foun Polisia Nasional Timor-Leste (PNTL) ne’ebé husu tenke anula total hodi sai efetivu no justu
“Ami nia desizaun mak tenke anula total ne’e efetivu no justo liu, sekarik la Anula total, numeru rezerva ne’e mesak PNTL nia oan nafatin, ita lakohi diskrimisaun hakarak ema hotu bele asesu ba oportunidade no direitu hanesan, diak liu mak tenke Anula total, para uza fali Sistema Eliminatorio ” dehan porta-voz, Tito O. Missa iha Edifisiu Asosiasaun HAK
Alende investigasaun ne’ebé hala’o ne’e ba Polisia Nasionla Timor-Leste (PNTL) nia oan mak 71 no Veteranus nia oan 72, Jornalista : Mateus F. de Deusmaibe seidauk investigasaun ba familia, subrinu no rekomendasaun husi parte Politiku sira
“hanesan ohin kolega media sira ohin hatete, 71 PNTL nia oan no 72 Veteranus nian oan, sira halo investiga ne’e ba de’it PNTL nia oan, maibe subrino familia sira la investiga’ rekomendasaun husi parte poltiko sira, iha hare total asunto sira ne’e iha prosesu sira ne’e hotu, ita lakohi buat sira ne’e atu akontese, diak liu mak anula total” nia hakotu
Enkuantu segundu Porta-voz, Angelino P. Mau-Lolo ba kandidatu Kadetes foun Polisia Nasional Timor-Leste (PNTL) ezize ba Konsellu Ministru (KM) hodi foti desizaun ho justu nune’e tuir publiku nia hakarak
“ami husi kadetes foun 10.197 ezize ba parte konselu ministru, suspende durante 20 dias ne’e 16 agora termina ona 20 dias, Maibe desizaun ne’e tenke justo ba ema hotu, tuir ema hotu nia hakarak, tanba durante parte PDHJ halo fiskalizasaun katak buat ne’e inkonstituisionalidade, husi tribunal rekursu dehan baut ne’e inkonstitusionalidade, kontra ita nia konstitusaun RDTL Artigo 16 ne’ebe hatete ema hotu-hotu hanesan iha lei nia oin” haforsa Segundo porta-voz
Angelino Mau-Lolo haktuir, husu ba akdemiku no Sosiedade Sivil atu luta hamutuk hodi halakon sistema Familiarismu iha instituisaun publiku nia laran
“husu ba parte sosiedade Sivil sira hotu liu-liu Akademiku sira ita tenke hare, ida ne’e laos problema ba kadetes nian de’it nu’udar problema ne’ebé sosiedade infrenta, Pesoal ba ami kadetes foun 10.197 laos ezize para ami ba sai polisia lae ami hakarak halakon buat sistema famliarismo” nia hakotu
Entre tantu, Kandidatu Kadetes Foun Polisia Nasional Timor-Leste (PNTL) iha tinan 2025/2026 hateten bainhira Konsellu Ministru (KM) la foti desizaun hodi la tuir ezizensia husi kadetes foun PNTL mak husi kandidatu hirak ne’e halo asaun pasifiku hasoru Governu.
Jornalista : Mateus F. de Deus
