Díli, 16 Marsu 2026 – Presidente Republika (PR), Ramos Horta, kondekora kolar ordem ba Timor-Leste nian ba Embaixador Singapura iha Timor-Leste ne’ebé tuir dekretu lei Presidente Republika n°26/2026 nune’e konfere onra Estadu Timor-Leste no distinu diplomata ba nasaun Republika Singapura nian
“Nu’udar rekoñesimentu ba sira-nia servisu esepsionál no kontribuisaun signifikativa ba nasaun nia dezenvolvimentu no integrasaun rejionál, Prezidente no Laureadu Nobel ba Pás, J. Ramos-Horta, konfere onra estadu Timor-Leste nian ba distintu diplomata na’in rua hosi Repúblika Singapura, Prezidente Ramos-Horta kondekora Kolár Orden Timor-Leste nian ba Embaixadór Estraordináriu no Plenipotensiáriu Repúblika Singapura nian ba Timor-Leste, Sr. Hu Yee Cheng (Robin), tuir Dekretu Prezidente Repúblika No.26/2026” dehan Presidente Republika Demokratima de Timor-Leste (RDTL), Ramos Horta iha Palasiu Presidensial Nicolau Lobato, Aitarak laran
Alende ida ne’e mos Presidente Republika, Ramos Horta, Kondekora Medalla Méritu ba William Chik Kam Weng nu’udar Negosiu Embaixador Republika iha Timor-Leste ne’ebé tyir dekretu lei n°27/2026
“Simultaneamente, Prezidente Ramos-Horta kondekora Medalla Méritu ba Sr. William Chik Kam Weng, Enkarregadu Negósiu Embaixada Repúblika Singapura iha Timor-Leste, tuir Dekretu Prezidente Repúblika No.27/2026. Orden Timor-Leste mak nasaun nia onra aas liu, rezerva ba individuál sira ne’ebé hala’o ona servisu esepsionál no méritu ba nasaun” nia haktuir
Enkuantu, Embaixadór Robin Hu hala’o knaar nu’udar Embaixadór Naun-Rezidente Singapura nian ba Timor-Leste dezde fulan-Fevereiru 2023, períodu ida ne’ebé marka ho aprofundamentu signifikativu ba relasaun bilaterál sira.
Pasu xave ida durante nia mandatu maka estabelesimentu Embaixada rezidente dahuluk Singapura nian iha Dili iha fulan-Abril 2024, ho Sr. William Chik nomeadu nu’udar Enkarregadu Negósiu hodi lidera misaun ne’e.
Embaixadór Hu dezempeña papél instrumentál hodi haburas kolaborasaun signifikativu entre Singapura no Timor-Leste iha setór oioin, inklui dezenvolvimentu ekonómiku, kapasitasaun, no interkámbiu povu ba povu. Sr. Chik nia prezensa iha terrenu maka importante tebes hodi komplementa esforsu sira-ne’e, mantein kontaktu regulár ho ofisiál lokál sira, no asegura implementasaun susesu hosi inisiativa sira ne’ebé konkorda ona.
Alende ne’e Presidente Republika Ramos Horta Elojia ba sira nia dedikasaun durante halao kna’ar Diplomata nain rua Hu Yee Cheng (Robin) no William Chik ne’ebé presta ona sira servisu ho Valor aas liu ba povu Timor-Leste
“Embaixadór Robin Hu no Enkarregadu Negósiu William Chik presta ona servisu sira ho valór aas liu ba povu Timor-Leste. Sira-nia esforsu dedikadu la’ós de’it hametin lasu amizade entre ita-nia nasaun sira maibé fó mós apoiu tanjível ba ita-nia dezenvolvimentu nasionál no ita-nia viajen ba integrasaun tomak iha família ASEAN. Ho onra sira-ne’e, Estadu rekoñese sira-nia kontribuisaun signifikativu no permanente ba ita-nia bem-estar no progresu” nia Informa
Kolár Orden Timor-Leste nian atribuidu ba kontribuisaun estraordináriu sira ba nasaun, enkuantu Medalla Méritu rekoñese servisu signifikativu hodi hametin orden sosiál no estabilidade nasionál. Konferénsia onra sira-ne’e ba Embaixadór Hu Yee Cheng (Robin) no William Chik, Singapura nia kompromisu ne’ebé dura ba Timor-Leste nia futuru no relasaun forte no amigavel entre nasaun rua ne’e.
Jornalista : Aniceto Da Silva
