Díli, 19 Marsu 2026 – Partidu Frente Revolusionariu Timor-Leste Independente (FRETILIN), Partidu Libertasaun Popular (PLP) no Kmanek Haburas Unidade Nasiona Timor Oan (KHUNTO) sira preparadu no prontu hodi hasoru eleisaun Kamára Munisipal Dili
Vise Koordenador Partidu Frenti Revolusionariu Timor Leste Independente (FRETILIN) Munisipiu Dili, Paulo Deaga Hateten, Partidu Fretilin hahu husi liderana to militante preparadu no oraganizadu hodi hasoru Eleisaun Kamara Munisipal
“Partidu Fretilin sempre prepara 24 horas, Partidu Fretilin komesa husi militantes to mai lideransa ami preparadu i organizadu, atu partisipa iha eleisaun kamara munisipal ida ne’e, ami prepara maximu bele mobiliza no organiza no esplika prosesu eleisaun ba militante hotu- hotu para bele komprende” dehan Vise Kordenador Fretilin Municipiu Dili, Paulo Deaga iha salaun Apuramentu CNE kolmera
Iha sorin seluk Vise Koordenador Partidu Libertasaun Popular (PLP), Lucio Freitas, informa Partidu Libertasaun Popular (PLP) preparadu konsolida makina Trabalhu iha baze hodi hasoru Eleisaun Kamára Munisipal Dili
“ami prepardu atu kompete Eleisaun mai ne’e, ami kontinua halo konsolida politika iha base oinsa halo makina partidu traballu iha baze hodi hametin ami nia forsa politika iha baze hodi hasoru Eleisaun” nia dehan
Iha fatin hanesan, Kordenador partidu Kmanel haburas Unidade Nasional Timoroan (KHUNTO) Mario Kobra hateten, Kmanek Haburas Unidade Nasional Timor Oan (KHUNTO) laos prontu de’it iha Eleisaun Kamara Munisipal maibe Khunto hahu husi Munisipiu to’o Posto prepara hodi hasoru Eleisaun Kamára Munisipal, Eleisaun Presidensial no Eleisaun Parlamentar
“Kona-ba eleisaun Poder Lokal Khunto preparadu hahu estrutura Posto too suku no Aldeia, ami nia preparado hahu husi konsolidasaun kada posto halo instalasaun estrutura suku to Aldeia, ami prontu mos ba iha Eleisaun Presidensial 2027 no eleisaun Paralamentar 2028” nia hakotu
Jornalista : Aniceto Da Silva
