Díli, 23 Marsu 2026 – Sekretariu Estadu Formasaun Profisional No Empregu (SEFOPE) halo klarifikasaun polimika ba publiku nia preokupasaun ne’ebé mosu iha Media Sosial konaba kobransa ilegal, hamosu familiarismu husi Timor-Leste ba Australia ne’e Hoax no lalos.
Sekretariu Estadu Formasaun Profisional no Empregu (SEFOPE), Rogerio Araujo Mendonça hateten nu’udar membru Governu IX Governu Konstitusional ne’ebé simu mandatu iha tinan 2023 tanba ne’e iha komitmentu hodi servisu ba rai Timor-Leste ida ne’e, nune’e ba publiku konaba problema mosu iha media sosial hamosu rekrutamentu familiarismu no kobransa ilegal ne’e informasaun falsu.
“Nu’udar membru governu hau hanoin hau atu hatoo deit ba publik katak depois simu mandatu iha tinan dois mil vinte tres (2023) parte hau iha duni komitmentu ne’ebé maka diak, atu hatete deit katak servi ho ita ninia fuan laran ba iha nasaun ho rai doben ida ne’e atu hatete ba publik konaba problema sira ne’ebé maka espalla iha media hatete katak hamosu rekrutamentu ne’ebé maka ho familiarismu ho kobransa ilegal hau hanoin informasaun sira ida ne’e, ne’e informasaun falsa”Dehan Sekretariu Estadu Formasaun Profisional no Empregu (SEFOPE), Rogerio Araujo Mendonça, iha Hotel Palm Spring Fatuhada
Alende ne’e, Sekretsriu Estadu Formasaun Profisional no Empregu (SEFOPE) husu ba publiku hodi labele fiar liu ID falsu sira ne’ebé koalia iha Media Sosial hodi akuza ema nia privasidade, tanba ne’e rekrutamentu Sekretariu Estadu Formasaun Profisional no Empregu (SEFOPE) ho Governu Australia mak halo rekrutamentu no seleksaun
“Tanba ida ne’e hau husu ba iha publiku atu labele rona informasaun sira ne’ebé maka mai husi media liu-liu iha ID falsu ne’ebé mak akuza ema ninia privasidade, atu hatete deit sistema rekrutamentu ne’ebé mak SEFOPE iha laos SEFOPE mesak maka halao sistema ida ne’e sistema ida ne’e hetan akompañamentu husi parte Governu Australia PALM Spring depois hetan mos akompañamentu husi ita nia CAC naran sira ne’ebé maka uluk halo publikasaun CAC sira mos hatene ba iha PDHJ mos hatene ne’ebé iha ema orgaun sira ida ne’ebé mak kompetensia nene ita involve hotu ba hodi bele akompaña sistema rekrutamentu ida ne’e” Rogeriu Esplika
Enkuantu, sistema rekrutamentu agora dadaun ne’e diak liu tinan kotuk liu ba tanba liu husi eletronik no la iha ona manuel tanba sistema eletronik ne’e sistema transparansia, karik iha falansu governu Australia fo ona karta xamada ba Sekretariu Estadu Formasaun Profisional no Empregu (SEFOPE)
“Atu hatete mos ba publiku katak sistema ida ne’ebé maka iha atu hatete sistema ida nene diak teb-tebes, sistema ida ne’e diak teb-tebes tanba saida mak hau dehan sistema ida ne’e diak teb-tebes, ita uluk iha tinan anterior ita uza sistema ne’ebé maka manual ne’ebé iha hahu husi tinan 2024 mai to iha tinan 2026 nene ita iha ona sistema ida ne’ebé maka eletronik, husi sistema ida ne’e ita bele hatete garante katak sistema transparensia iha sistema rekrutamentu, agora se maka ami halo falla ruma hanesan publiku sira hatene signifika Governu Australia bele halo ona xamada mai iha SEFOPE liu-liu mai iha governu” nia hakotu.
Jornalista : Aniceto Da Silva
