Díli, 24 Marsu 2026 – Polisia Sientifiku Investigasaun Kriminal (sigla portugés PCIC) asegura ona suspeitu ho inisial SF komete krime Exibicionismo sexual hatudu oin lulik ba vitima feto ho idade 13 inisial PS, iha loja xina Mascarenhas, Dili.
Porta-voz, Polisai Sientifiku Investigasaun Kriminal (sigla portugés PCIC), Mario Tavares, hatete simu informasaun husi vitima iha loron sabadu 21 Marçu tinan 2026, kazu ne’e refere bainhira sidadaun feto halo hela kompras iha loja xina Mascarenhas, nune’e suspeitu mane ne’e tama tuir ba loja laran hodi hatudu ninia oin lulik ba vitima
“Iha sabado foin lalais, servisu piketi no prevensaun PSIK sira simu keixa ida ba labarik mane ida ne’ebe maka hatudu nia oin lulik iha alin feto ida ninia oin, no hatudu mos ba labarik ninia inan hotu dala-ida” Dehan Porta-voz, Mario Tavares ba Jornalista sira iha nia kna’ar fatin PCIC, Kaikoli
Porta-Vos hatete, iha fatin akontesimentu ne’e suspeitu hatudu ninia oin lulik ba vitima feto ho idade 13 ne’e dala rua iha momentu ne’ebé vitima kompras hela sasan
“Ba kazu ne’e, alin feto (vitima) ne’e nia ho idade 13 halo kompras hela, maibe alin mane ne’e tama ba hatudu ninia oin lulik ba alin feto dala-rua”, nia afirma
Nia hatutan, parte Polisia Sientifiku Investigasaun Kriminal (PSIK) rekolla ona provas balun ne’ebé iha digitais CCTV iha loja xina ne’e, hodi sai evidensia duni katak suspeitu ne’e hatudu oin lulik ba vitima, tanba ne’e tuir kodigu prosesu penal suspeitu komete krime Exibicionismo sexual, hahalok ida ne’e mane ka feto hatudu ninia parte jenital ka oin lulik ba publiku ne’e krime kosta iha artigu 181 husi kodigu penal.
Alende, bazea ba keixa Polisia Sientifiku Investigasaun Kriminal (PCIC) identifika ona suspeitu liu husi nia motor ne’ebé nia uza tanba ne’e husi parte Diresaun Nasional Transporte no Terrestre (DNTT) taka iha loron sabadu ne’e
“Bazeia ba keixa ne’ebé mak iha polisia halo ninia servisu indentifika suspeitu ne’e liu husi motor ne’ebé mak nia utiliza, entaun husi motor ne’ebé nia uza, entaun iha sabado ne’e servisu DNTT taka, entaun horiseik sira konsege to’o iha indentifikasaun fatin suspeitu nian liu husi ninia motor ne’ebé iha”dehan nia
Parte investigador Polisia Sientifiku Investigasaun Kriminal (PSIK) mos halo konfirmasaun ba suspeitu ninia pajina ofisial Facebook nian, nune’e ikus mai polisia konsege to’o iha ninia fatin.
Nia hatete, bainhira suspeitu halo ninia aktus ba vitima ne’e suspeitu la taka ninia oin uza kapaseti no Polisia Sientifiku Investigasaun Kriminal (PSIK) konsege halo indentifikasaun iha loron segunda 23 Marsu 2026, parte servisu Investigativu remata ona faze indentifikasaun ba iha suspeitu nune’e Polisia Sientifiku Investigasaun Kriminal (PSIK) sei submete autor notisia krime ba iha Ministeriu Publiku (MP).
“Ita konsege halo ona indentifikasaun ba prosesu refere, andamentu ba prosesu ne’e la’o tiha ona, ita produs hela auto notisia krime Exibicionismo sexual no bele mos indikasaun koasaun sexual karik suspeitu ka’er tiha vitima nia isin sensitivus nian”, nia relata
Nia salienta, suspeitu la detein bazeia ba sirkunstansia krime publiku, halo de’it faze indentifikasaun, hodi produz notisia krime ba Ministeriu Publiku (MP)
“Ita halo tiha indentifikasaun, husik nia fila no husik prosesu normal hodi konstitui nia sai hanesan arguido ba iha kazu ne’e” nia dehan
Tanba ne’e Polisia Sientifiku Investigasaun Kriminal (PSIK) halo kapturasaun ba suspeitu iha loron segunda 23/03/2026 iha oras 4:00 Otl iha suspeitu nia hela fatin Mascarenhas.
Jornalista : Mateus F. de Deus
