Díli, 27 Marsu 2026 – Ministru Interiór (MI) Francisco da Costa Guterres, hatete husu ona Komandante Jeral, Afonso Dos Santos no Segundu Komandante Jeral, Natersia Martins hodi halo komunikasaun diak ho Superintendente Polisia Julia Gama
“Hau husu ona ba komandante jerál atu kria komunikasaun ida diak entre sira entre sira mos presiza iha komunikasaun presiza mos reuniaun beibeik presiza mos koalia ba maluk beibeik para atu dehan katak lae ofisiál Superior ita mak tenke asegura instituisaun ida ne’e, instituisaun ida ne’e ninian lalaok diak ninian profisionalizmu ne’e asegura husi ofisiál superiór sira ne’e mak importante,” Dehan Ministru Interiór (MI) Francisco da Costa Guterres ba jornalista sira hafoin serimónia aniversariu ezisténsia PNTL ba dala-26 ne’ebé halao iha Palásiu Governu
Nia dehan, halo ona diskusaun konaba kestaun Superintendene Polisia Julia Gama hodi halo desizaun tanba iha ona instituisaun Polisia Nasional Timor-Leste (PNTL) regulamentu mak sei regula nune’e tenke iha komunikasaun diak ba malu
“Ami mos haree hela halo diskusaun ba nia (Julia Gama) hotu para depois para foti desizaun sira ne’ebé diak para, prontu kestaun sira ne’e, hanesan ne’e dala barak ne’e seidauk iha komunikasaun diak”, nia esplika.
Alende ida ne’e Ministru Interiór (MI) husu ba Komandante Jerál no Segundu Komandante Jeral atu kria komunikasaun diak entre sira iha instituisaun Polisia Nasional Timor-Leste (PNTL)
“Entre sira mos presiza iha komunikasaun presiza mos reuniaun beibeik presiza mos koalia ba maluk beibeik para atu dehan katak lae ofisial Superiór ita mak tenke asegura instituisaun ida ne’e, institusaun ida ne’e ninian lalaok diak ninian profisionalizmu nee asegura husi ofisiál superiór sira nee mak importante,”nia deklara.
Governante ne’e bolu Komisáriu Afonso dos Santos no Segundu Komandante Jeral, Natercia Martins hodi halo komunikasaun diak ho Superintendente Polisia Julia Gama hodi rezolve nia problema
Enkuantu, sei iha posibilidade hodi foti nia sai fila fali ba hanesan Ofisial Superior ida iha instituisaun PNTL
“Para depois ita buka para atu ajuda nia para atu tama fila fali iha, para atu haree fila fali nia hanesan ofisiál Superiór ida”, nia Informa
Nia hatutan Superintendente Julia da Gama lakon direitu ba promosaun nia sei hetan promosaun hafoin Komandante Jerál PNTL Komisáriu Asisténte Polísia Afonso dos Santos no Segundu Komandante Jerál Komisária Asisténte Natercia Eufrasia Soares Martins rezolve tiha nia problema.”Nia hau bele nia problema saida, hau bele hanoin nia lakon ninian direitu, nia sei iha deit demora tanba iha deit kestaun balun mas ida ne’e ami agora dadaun haree hela review fali nia kazu ami halo revizaun hela”, nia koalia
Tanba ne’e agora dadaun Komisáriu Asisténte Polísia Afonso dos Santos no Segundu Komandante Jerál Natersia Martins halo hela revizaun ba Superintendente Polísia Julia Gama.
“Ita asegura nia para nia labele lakon nian direitu maibe tenke tuir regras neebe mak iha. Nia sei lakon nia direitu maibe agora ami haree hela halo hela review ba lei sira ne’e kuandu lei sira ne’e ita halo hotu ona revizaun mak ita haree buat sira” nia haktuir.
Nia koalia, Julia Gama sei promovidu maibe sei haree didiak nia regra sira ne’e nune’e ba oin membru polísia bele tuir, lao tuir para instituisaun Polisia Nasional Timor-Leste (PNTL) ne’e moris iha regras nia okos.
“Sira hotu hotu se hakarak tama polísia nia tenke obdese regras ne’ebé mak iha ne’eba para regulariza nian se nia haksoit sai husi regra ne’e automátikamente ita tenke aplika sansaun disipliñar ba nia tanba ita nia instituisaun ne’e ita hakarak sira tenke profisional tenke disipliña para tenke halao serbisu ne’e didiak”, nia hatutan.
Konaba Julia Gama lekar segredu intervensaun Governante ne’e dehan nia koalia ona ho Komandante Jerál komunika ho Julia Gama para depois sei haree.
Francisco, fiar Komisariu Afonso no Segundu Komandante Jeral Natersia tanba sira iha kapasidade diak hodi jere no komunikasaun diak, halo reuniaun regular ida foti nia ba Ofisial Superior nune’e instituisaun sai forte hodi dezenvolve rai ida ne’e
“Hau fiar katak sira nain rua nee idak- idak iha nia kapasidade tanba ne’e mak hau fiar katak sira sei jere ne’e ho didiak i komunikasaun entre sira nee sira sei loke reuniaun regular para depois koalia ba malu para depois dudu Ofisiál Superiór ne’e para sente katak polísia ne’e sira nia polísia ne’e laos ema ida nian tanba ne’e mak sira ne’ebé para instituisaun ne’e sai forti sai forsa para bele para bele kontribui ba iha pas no kontribui ba dezenvolvimentu rai ida ne’e ninian ida ne’e mak importante”, nia tenik.
Nia dehan, polísia sira presiza promove dialogu para aban bain rua lideransa PNTL mandatu hotu sira husik hela buat di’ak ba jerasaun foun sira ida ne’e mak importante.
“Hau hanoin sira sei review hela nia kazu depois ita haree ne’ebé hau entrega ona ba komandante jerál no segundu komandante jerál sira sei loke dialogu ida para depois para oinsá atu rezolve tiha problema,”nia hakotu
Jornalista : Aniceto Da Silva
