Díli, 30 Marsu 2026 – Presidente Instituto Nasional Combate HIV-SIDA. Imprensa Publika (INCSIDA.IP), Daniel Marçal hatete, inkontru ho Presidente Repuplika Demokratika de Timor-Leste (RDTL), José Ramos Horta tanba nu’udar aman ba nasaun hodi relata situasaun husi Virus HIV-SIDA atu halo prevensaun ba moras ne’e
“Ohin ami halo sorumutu ho presidente da republika tanba presidente hanesan aman ba nasaun nia presiza hatene mos konaba situasaun HIV-SIDA iha Timor-Leste hodi fo hanoin ruma hodi koalia tan buat ruma para ita hamutuk oinsa atu halo prevensaun ida mais estratejiku ka defende ita nia rai ita nia ema husi problema HIV-SIDA ne’e” dehan Presidente INCSIDA, Daniel Marçal iha Resinto Presidente Republika Metiuat
Alende ne’e Presidente Republika mos preokupa ba situasaun iha rai laran konaba moras HIV ne’e hodi husu luta halo prevensaun nafatin ba moras HIV-SIDA no servisu masimu tanba Virus HIV-SIDA nasaun hotu sai preokupa ba moras ne’e
“Hasoru presidente nia responde diak kapas los nia preokupa mos konaba problema ida ne’e nia hatete katak ne’e tenke servisu makas duni servisu maximal tanba HIV ne’e moras ida uniku liu moras ida nasaun hotu preokupa transmisaun lalais i prevensaun kusta” tenik nia
Entre tantu, Iha sorumutu ne’e mos Presidente INCSIDA hato’o ba Presidente Republika iha ne’ebé durante Instituto Nasional Combate HIV-SIDA (INCSIDA) halo sosializasaun iha eskola sira no komunidade sira inklui mos iha munisipiu sira hodi halo prevensaun ba moras HIV-SIDA ne’e no ses husi sex livre ho sex komersial sira ne’e
Jornalista : Aniceto Da Silva
