Díli, 1 Abril 2026 – Dom Virgílio Cardeal Do Carmo SDB, hateten paskua sai hanesan esperensa no renovasaun iha Mundu, nune’e kristu moris hakarak ita atu moris ho dame iha paz
“Mai ita sarani katolika ohin loron hetan sentidu foun ida ho Jesus nia terus mate no moris hias, furak oinsa mai ita ohin loron paskua kontinua sai fonte ba esperansa no renovasaun iha mundu no iha ne’ebé marka violénsia funu no konflitu diferensia egoismu fiar mihis lakon fiar inserteza” Dehan Dom Virgílio Cardeal Do Carmo SDB, iha Residensia Largo lecidere Dili
Lider Igreja katolika iha Timor-Leste ne’e hatutan, selebarasaun Paskua iha tempu udan, nu’udar sinal vida moris tanba ambiente mos konvida ita hamatak no buras iha ita nia moris
“Ita selebra paskua iha tempu udan be barak halo aihorin sira buras no matak sinal vida moris, ambiente ne’e mós konvida ita hamatak no haburas ita nia moris foun maske dala barak ezije sakrifísiu no esforsu pesoál tanba paskua ferias atu família sira hamutuk hanesan família hebreu sira nian no familia hamutuk ho eskolante sira hamutuk ho nain feto iha semakulu tanba Kristu moris hakarak ita atu moris.” Nia informa
Nia Sublina, Jesus Kristu nia terus no mate, familia sira tenke buka malu hamutuk hodi halo orasaun ba iha Jesus nia Kruz
“Ita nain Jesus nia terus no mate ne’e oinsa familia buka tempu hamutuk halo orasaun hateke ba Jesus nia Kruz tanba kruz mak sasukat bo’ot ida hotu Maromak nia domin mai ita ema, harohan ba Maromak nia oan ne’ebé ita adora no hanorin ita hadomi no haraik an pasensia ho perdua laran mós ba malu mak dalan ba moris foun tanba Jesus deit mak bele halo rekopera ho buat ne’ebé ita lakon.”
Nia Salienta, Paskua hanesam oportunidade Renovasaun Jesus nia moris Hias husi mate tanba ne’e husu foin sae moris ho komprimisiu ba Paz no reza ba mediu oriente hodi hanoin ba labarik no foin sae sira
“paskua oportunidade ba renovasaun ba Jesus moris hias nia hakarak foinsa’e sira moris atu hafoun ita nia komprimisiu ba paz no reza ba paz iha mediu Oriente hanoin kona-ba labarik no foin-sa’e sira ne’ebé sai Vitima ba funu husu ba foin-sa’e mai ita sai badaen nain ba dame iha ita nia rain no iha mundu” tenik nia
Dom Virgílio Cardeal do Carmo SDB fo boas Festa Santo Paskua ba Sarani sira iha Timor-Leste no Diaspora, tanba jesus moris hias hodi halo ita sai mesak ida deit, jesus kristu hadomi ita hotu hodi moris iha feliz paskua ba ema hotu iha rai doben Timor-Leste ida ne’e
Jornalista : Mateus F. de Deus
