Dili 16 Abril 2026-Porta-voz Komandu Jeral PNTL Suprintendente Xefe Polisia João Belo dos Reis no liu husi Diresaun Servisu Investigasaun Kriminal (DSIK) hodi relata kontajem ba osan falsu ne’ebé finaliza ona ho total osan falsu 4,613,400, tanba osan falsu ne’e transaksaun ona iha loja balun ho hola sasan
“atu hato’o ba maluk sira, depois de ita nia ekipa DSIK hamutuk ho maluk sira husi Ministeriu Públiku halo kontajem hahu horseik opersaun remata, finliza kontajem osan falsu ne’ebe sira sura hamutuk milaun 4,613,400$ USD ne’ebe agora ita halo hela prosesu ba Ministeriu Públiku” dehan Portavoz PNTL Komandu Jeral, Suprintendente Xefe Polisia João Belo dos Reis iha Kuartel Geral PNTL kaikoli
Porta-Voz aprezenta, antes ne’e hatene ona katak osan ne’e foto kopia, maibe operasaun lao tanba osan ne’e uza ona ba Transaksaun iha loja balun
“Atu atualiza tanba saida mak opersaun lao, tanba krime akontese tiha ona, ami hatene katak ida ne’e osan kopia, se nia uza ba objetivu ida be kultura nian, laiha elementu Krime ruma ita la halo operasaun, iha ona transaksaun ruma uza osan ida ne’e iha loja ruma, tanba ne’e mak ita halo opersaun buka tuir suspeitu sira ikus mai ita hetan paradeiru” nia Hatutan
Nia afirma, suspeitu sira sei aprezenta ba Ministériu Publiku (MP) hamutuk evidensia sira hanesan Osan Falsu Miliaun 4,613,400 USD inklui ho kareta ne’ebé tula osan Falsu
“horkalan ita detein sidadaun balun relasaun ba kazu ne’e, ohin ami tenta finaliza prosesu hotu-hotu antes lokraik ita aprezenta ba Ministeriu Públiku” nia hakotu
Jornalista : Mateus F. de Deus
