Dili 17 Abril 2026-Polisia Nasional Timor-Leste (PNTL) liu husi Komandu Munisipiu Dili asegura ona suspeitu nain 5 liga ho kazu agresaun fisiku hasoru Estudante husi Universidade da Paz (UNPAZ) nain 3, Jaquiel, Jito Soares, Manuelito
Komandante PNTL munisipiu Dili Asistente komisariu Polisia, Orlando Gomes hateten, kazu ne’ebé akontese iha Universidade da Paz (UNPAZ) vitima hato’o ona keixa ba Eskuarda Dom Aleixo Aimutin no iha Polisia Sientifiku Investigasaun Kriminál (sigla-portugés PCIC), hodi halo ona kapturasaun ba suspeitu sira,
“Kazu ida ne’ebé akontese iha dia 15 Abril 2026 iha oras 16:00 lokraik iha areadores UNPAZ nian, ema nain sanulu baku lisuk vitima ida ne’ebé mak viral iha média sosial, iha dia 15 vitima mai halo keixa iha Eskuadra Don Aleixo” dehan Komandante Munisipiu Dili Asistente komisariu Polisia Orlando Gomes, iha Eskuarda Dom Aleixo Aimutin Dili
Nia afirma, kapturasaun ba suspeitu sira, Polisia Nasional Timor-Leste (PNTL) halo kordenasaun ho seguransa Universidade da Paz (UNPAZ) nian no Ofisial Polisia Suku (OPS) Manleuana hodi indentifika suspeitu sira nia paradeiru no halo kapturasaun ba suspeitu sira
“ita kordena kordena ho seguransa UNPAZ nian no OPS Manleuana hodi buka tuir suspeitu sira, maibe iha momentu ne’eba suspeitu sira halai ses tiha husi fatin akontesimentu, dia 16 Quinta feira mak Patrollu organiza liga ho ita nia Ofisial Polisia sira, atu buka tuir suspeitu sira nia paradeiru, depois Patrollu sira ba kedas iha suspeitu sira nia residensia hodi ita halo kapturasaun ba suspeitu nain lima ho inisial mak RS, HJM, WSS, ERS, JST,
Nia informa, suspeitu nain 5 halo ona indentifikasaun iha Eskudra Dom Aleixo no entrega ona suspeitu ba Polisia Cientifiku Investigasaun Criminal (PCIC) suspeitu sira komete krime agresaun fisika simples hasoru Lezada”suspeitu nain lima ita lori mai iha Eskuadra Dom Aleixo, depois de ita halo indentifikasaun ba suspeitu nain lima, husi vitima mai hato’o katak, vitima halo ona keixa ba iha PCIC, tanba ne’e Patrollu Dom Aleixu kaptura tiha suspeitu nain lima, mai halo indentifikasaun, ita entrega kedas ba iha PCIC hodi kontinua halo prosesu, aktus sira ne’ebé suspeitu sira halo ne’e krime, ne’e agresaun fisiku hasoru simples hasoru Lezada” nia afirma
Komandante Munisipiu Dili ne’e husu ba estudantes sira atu labele lori problema iha liur ba kampus Universidade tamba fatin ne’e atu buka matenek, no husu ba joven sira ne’ebé hela besik iha UNPAZ atu respeita fatin aprendizajen nian
Jornalista : Mateus F. de Deus
