Dili 17 April 2026-Institutu Nasional Kombate HIV-SIDA (INCSIDA) halo sensibilizasaun ba juventude partidu KHUNTO hodi Kombate HIV-SIDA tanba juventude mak sai kontribuisaun ba dezenvolvimentu ba nasaun Timor-Leste nian
Presidente Institutu Nasional Kombate HIV-SIDA (INCSIDA), Daniel Marçal hateten, atividade ne’e ba juventude Partidus politikus sira hotu tanba juventude sira mak kontribui ba dezenvolvimentu nasaun nian bainhira partidu politikus ida sae ba ukun
“Ita halo atividades nene ba partidu hotu-hotu ba joven partidu hotu tanba sa laos ba partidu ne’e maibe ho ema ne’ebé iha partidu laran joven sira iha partidu laran ne’e importante tanba buat ida partidu politikus ne’e maka sei fo kontribuisaun diak liu ba dezenvolvimentu nian nasaun ne’e bainhira partidu ida manan, bainhira ida ukun entaun presiza ema ne’ebé iha saude diak, mentalidade diak no pensamentu diak ne’ebé ita hare laos hare partidu maibe ita hare ema sira ne’ebé alin ne’ebé iha partidu ne’e” dehan Presidente (INCSIDA), Daniel Marçal ba jornalista sira iha Pantai Kelapa
Alende situasaun iha rai laran kona-ba Virus HIV-SIDA ne’e Presidente Instituto Nasional Kombate HIV-SIDA (INCSIDA) hasoru ona Presidente da Republika, José Ramos Horta, hodi hatoo preokupasaun ida ne’e, tanba mundu internasional preokupa mos kona-ba Virus HIV-SIDA ne’e
“Ami mós hasoru ona Presidente da Republika katak ne’e preokupasaun internasional laos grupu ida, iha ne’e la iha partidu imi hare ohin hau dehan iha INCSIDA ne’e iha kor oin-oin iha laran maibe ami lakohi hare ba interese partidu nian, ami hare ba interese Nasional nian, interese Nasional ne’e partidu hotu iha laran tanba ne’e mak Presidente preokupa Primeiru Ministru preokupa ema barak preokupa” dehan Presidente INCSIDA
Entre tantu, sensibilizasaun no atividade ida ne’e ita uja meius hotu-hotu ita presiza osan, hodi partilla informasaun konaba moras HIV-SIDA iha media presiza esforsu no ba iha Suku Aldeia sira atu halo sensibilizasaun maibe ba transporte ho orsamentu sira ita iha limitasaun hodi lori media plataforma online, Tv no online streaming sira tanba ho preokupasaun sira ne’e
Konsileiru Masimu Partidu Kmanek Haburas Unidade Nasional Timor Oan (KHUNTO), José Dos Santos Naimoru “Bucar” hatete agradese ba Presidente INCSIDA ho nia ekipa hodi organiza atividade Kombate HIV-SIDA ida ne’e hodi ema hotu-hotu partisipa atu bele kuidadu saude, liu-liu ba joven sira
“Primeiru hau agradese ba atividade ida ne’ebé husi HIV-SIDA ita nia Presidente rasik Doutor Daniel ho nia ekipa sira ne’ebé maka halo sira nia programa ida ne’e ba ema Timor oan tomak presiza ita hotu-hotu tenke partisipa atu nune’e para bele kuidadu saude ne’ebé diak para ita la bele, liu-liu ba ita nia joven sira oras ne’e dadauk ita hare katak moras HIV-SIDA iha Timor-Leste iha rihun rua ho balun oinsa para ita bele trata ida ba ita nia saude sira liu-liu ba joven sira para atu bele halakon buat sira husi sira nia an” Naimori hatete
Konsileiru Masimu Partidu KHUNTO, Naimori ezize ba Governu hodi tau orsamentu ne’ebé boot nune’e sira kontrola mos iha Munisípiu, Postu, Suku no Aldeia sira hodi ema bele hatene no halo prevensaun ba moras HIV-SIDA ne’e
“Husi hau rasik atu ezizi nafatin estado tenke tau osan boot teb-tebes ba sira para sira bele kontrola ba Munisípiu hotu-hotu laos deit iha Dili deit, ba iha munisipiu postu Suku Aldeia atu nune’e para ita bele hamate lalais Virus ida ne’e lalais, Virus ida ne’e mak ohin sira hatete katak hetan deit Virus ida HIV ne’e sei diak, Liu-liu ida ne’ebé maka ita tauk liu AIDS ne’e mak ita tauk liu tauk ida ne’e hamate ema nia vida entaun oinsa para ita Timor oan atu kontribui hamutuk laos deit ba partidu KHUNTO ba ema hotu-hotu Timor oan tomak” Naimori informa
Lider Masimu Partidu KHUNTO, juventude Partidu Kmanek Haburas Unidade Nasional Timor Oan (KHUNTO) prontu kombate Virus HIV-SIDA tanba ne’e husu ba joven sira hodi hakat ba parte saude hodi teste Ran nune’e bele detekta moras HIV-SIDA no halo prevensaun lalais ba Virus refere
Ekipa kobertura : Zeus News
