Dili 21 April 2026-Relasiona ho Ministru Ensinu Superior Siénsia no Kultura (MESSK) nia mate nune’e Hospoitál Nasionál Guido Valadares (HNGV) fó klarifikasaun katak Ministru Ensinu Superior Siénsia no Kultura sofre tensaun Artreal aas no ne’e la bele salva nia Vida.
Diretór Servisu Asisténsia Klínika HNVG’ Eligío Soares hatete, relasiona ho Ministru Ensinu Superior Siénsia no Kultura (MESSK) hakotu iis tanba sofre tensaun artreal aas.
“Sua exelénsia nia istória no kronolojia ne’ebé mak akontese katak sua exelénsia Ministru no familia sira no mós akompañante sira lori mai iha Hospitál Nasionál Guido Valadares ho kondisaun ida ne’ebé mak iis la iha ona katak iis la antes lori mai ospitál,”dehan Diretór Servisu Asisténsia Klínika HNVG Eligío Soares ba Jornalista sira iha nia kna’ar fatin.
Nia dehan maske ho kondisaun ida hanesan médiku sira iha emerjénsia esforsu maibé la konsege salva.
“Maske ho kondisaun hanesan ne’e, ekipa emerjénsia ho médiku emerjénsia halo esforsu tomak atu halo prosedimentu sira ne’ebé mak iha, normalmente pasiente iss la iha saida mak ita halo, ami sempre manobra ida hatete katak resusitasaun ba kada pulmonar nian,”nia dehan
Nia esplika, Ministru Ensinu Superior Siénsia no Kultura (MESSK) família no akompañamentu sira lori iha oras tuku 13:55 PM.
“Depois ekipa emerjénsia nafatin halo nia knaar atu buka tuir nafatin fuan ne’ebé mak para ona, buka fila fali entaun tenta atu halo ativu fali fuan, entaun médiku sira konsege halo duni manobra hanesan ohin ha’u dehan resusitasaun pulmonar sira halo, hodi soke ita nia fuan durante 25 minutus nia laran la konsege entaun deside hapara, depois kontinua fila fali maibé fuan nafatin para la iha funsiona ona,”nia esplika.
Nia afirma médiku sira iha emerjénsia foti nia dadus katak Ministru Ensinu Superior Siénsia no Kultura (MESSK) antes ne’e sofre moras tensaun artreal aas.
“Antes ne’e sua exelénsia sofre tiha ona moras tensaun artreal aas, ne’ebé mak durante ne’e hemu ai-moruk ladún ho di’ak no ladún kontrola nia tensaun artreal ne’e, entaun parte médiku nian posibilidade nia ho atakasaun korasaun ne’ebé mak iha akontesimentu ne’e, tuir infomasaun sira ne’ebé mak ita rekolla husi família no ninian akompañante sua exelénsia hakotu iss durante 30 minutu hafoin iha fatin servisu nian, entaun sira haree fila fali sua exelénsia ho ona kondisaun ne’ebé mak ohin ha’u temi ne’e,”nia haktuir.
Nia afirma, tensaun artreal aas ne’e nia kauza mak la kontrola ho di’ak.
“Kona-ba nia durante ne’e sua exelénsia halo tratamentu iha HNVG ka lae ita ladún rekoilla dadus ne’e husi intorogasaun ne’ebé mak ita husu katak maka iha de’it tensaun artreal aas katak durante ne’e ladún kontrola ho di’ak bainhira tensaun artreal aas ladún kontrola ho di’ak na’in konsekuénsia halo ita atakasaun iha fuan ne’e mak ita dehan atakasaun kardiakal, depois atakasaun kakutak mak ita bolu dehan struck, ka atakasaun kardiakal katak halo ita nia fuan para derepente iha ne’e ita hakotu ona iss”nia afirma.
Bainhira pasiente sira mai ho kondisaun hanesan Hospoitál Nasionál Guido Valadares (HNGV) iha ai-moruk para atu sona adrainaline hodi bele ativu fila fali pasiente nia fuan.
Jornalista: Aniceto Da Silva
