Dili 29 Abril 2026-Familia hamutuk Jornalista Timor-Leste no membru Governu liu husi Sekretariu Estadu Komunikasaun Sosial (SEKOMS), Expedito Loro Dias Ximenes simu kadaver Jornalista Senior no Eis Prezidente Konsellu Imprensa Timor-Leste (KITL), iha Areo Portu Internasional, Prezidente Nicolau Lobato, Comoro Dili
Sekretariu Estadu komunikasaun Sosial (SEKOMS), Expedito loro dias Ximenes hateten ema ne’ebé durante ne’e Servisu makas ba Dezemvolvimentu Media Timor-Leste nian husik ona ita, maibe nia obra tomak iha mundu Jornalismu ita sei la haluha
“Ita hamutuk iha ne’e atu fó homenajen ikus ba ita nia Maun ita nia amigo ita nia Mestre Otelio Ote, ida ne’ebé hau aprende husi nia mak la hatene hirus, ema ne’ebé durante ne’e servisu makas ba dezemvolvimentu media iha Timor-Leste husik ona ita, maibe nia obra nia ezemplu ne’ebé nia husik besik tinan 40 ema husi komuniade media ita la haluha” hau hetete katak, Otelio Ote nia naran sei hakerek iha Fatuk Osan Mean Mundu Jornalismo nian” dehan Expedito Loro Dias Ximenes iha Eskola São Miguel Arcanju iha Rai kotu
SEKOMS, lori Membru Govenu nia naran hato’o Sentidu Kondolensia ne’ebé klean ba Familia Maktoban Otelio Ote
“Hau lori IX Governu konstusional nia naran hato’o Kondolesia Profunda ba Falesimentu Otelio Ote, ba familia nia kaben ho nia oan sira korajem no forsa nafatin, Otelio ote fisikamente ses ona husi ita, maibe nia espirito sei nafatin hamutuk ho ita, Adeus Maun Ote Boa Viajem loron ida ita sei hamutuk” nia hakotu
Otelia Ote hakotu Is iha Hospital Refereral Oe-Cusse Ambeno iha loron 28 Abril 2026 tanba sofre moras, no transporta mai Dili iha loron 29 Abril 2026 ho Aviaun Ministeriu Saúde nian to iha Areo Porto Internasiona Prezidente Nicolau Loubato besik tuku sanulu resin Rua
Jornalista: Mateus F. de Deus
