Dili 11 Maio 2026-Xefe Estadu Maiór Forsa Armada (XEMFA), Tenente General Domingos Raul “Falur Rate Laek” halo reuniaun ho gerilleiru nain hat hodi husu opiniaun konaba atu halo selebrasaun loron Falintil 20 de Agostu 2026 ne’e tanba sei iha halo diferensia ho tinan kotuk nian
Iha reuniaun ne’e xefe Estadu maiór Forsa Armada (XEMFA), Tenente Jenerál Farul Rate Laek hateten, selebrasaun 20 Agostu tinan ida ne’e sei halo diferensia no kompara ho tinan kotuk
“Ha’u mai husu sira nia opiniaun atu halo konseitu ba 20 de Agostu, 20 Agostu mak selebrasaun Loron Falintil nian, Tinan-tinan halo maibé tinan ida ne’e halo diferensa oituan,” dehan Tenente General Falur Rate Laek iha residensia Taur Matan Ruak, farol Dili
Nia informa, iha momentu ida ne’ebé diak hodi hasoru malu no halibur malu hodi konta fila fali historia ne’ebé uluk nian
“Uluk ha’u nunka hasoru sira, agora mai hasoru fali sira, uluk ami toba hamutuk, han hamutuk, terus hamutuk iha udan laran, agora di’ak ona, fahe malu família no podér polítika, agora ami halibur malu fali, konta fali istória uluk nian,” nia dehan.
Iha enkontru ne’e Gerilleiru nain lima partisipa husi Eis Primeiru-Ministru Taur Matan Ruak, Eis Presidente Republika Francisco Guterres “Lu-olo”, Eis Ministru Defeza Filomeno Paixão no Tenente General Reformadu Lere Anan Timur
Jornalista: Mateus F. De Deus
