Baucau 20 Maio 2026-Komunidade husi Suku 7 hamutuk selebra ba loron Restaurasaun Independensia 20 Maio 2002-2026 ba dala 24 iha Suku Loilubu, Postu Administrativu Vemasse, Munisipiu Baucau, ne’ebé realiza iha Suku Loilubu
Autoridade Postu Administradora (APA), Elda Maria V. de Souza hatete, preparasaun ba loron Restaurasaun Independensia 20 Maio 2026 ba dala 24, ne’e fo fiar ba suku Loilubu hodi selebra restaurasaun independensia Timor-Leste hahu prepara iha fulan kotuk
“konaba preparasaun ba atividade isar de bandeira ba loron restaurasaun independensia Timor-Leste ba fdala ruanulu resin hat (24), iha ne’ebé ita fo fiar ba iha Suku Loilubu, no sira nia preparasaun hahu kedas iha 15 de Abril, iha 15 de abril sira halo atividade hanesan feira no sira remata mai iha dia 13 ne’e, ho ida ne’e sitra fo importansia liub hodi halo preparasaun importante ba ita nia loron restaurasaun independensia Ninian” dehan Autoridade Postu Administradora (APA), Elda Maria V. de Souza iha Suku Loilubu Vemasse
Nia haktuir, la iha difikuldade hodi hasoru maibe iha eventu sempre iha difikuldade ne’ebé sai kestaun mak komunidade sira maduro ona hodi hasoru atividade sira hanesan ne’e, tanba atividade ne’e halo rotativamente
“hau hanoin laos katak ita la hasoru difikuldade ba eventu hotu-hotu sempre iha difikuldade ne’ebé ami nia difikuldade durante iha mak sai kestaun tanba hau nia komunidade sai maduro ona hodi hasoru atividade sira hanesan ne’e tanba atividade sira hanesan ne’e ita halo rotativamente iha suku ida hotu ita fo fali ba mos suku sira seluk entaun hau nia povu sira maduro tebes hodi sira servisu durante iha atividade ida ne’e sira kria duni paz no estabilidade”
Enkuanto komunidade joven sira iha ona konsiensia no maduro hodi kria paz no estabilidade iha suku laran no kria seguransa ba preparasaun loron Restaurasaun Independensia 20 Maio 2026 ne’e
Sefe Suku Loilubu, Joanico da Costa Freitas hatete, atividade isar bandeira iha Suku Loilubu ne’e liu husi Autoridade Post Administradora Vemasse no husi Sefe Suku nain 7 hodi realiza iha Suku Loilubu
“atividade ida ne’e liu husi nai administrador postu vemasse anivel suku hitu Sefe suku nain hitu, atividade ida ne’e durante husi ami nia mandate ami simu sefe suku nain hitu inkontru kedas ona iha administradora postu administrativo Vemasse katak atividade liu husi 28 no 20 maio ita bele soe iha kada suku suku” dehan Sefe Suku Loilubu
Alende atividade loron proklamasaun independensia 28 novembru sei halao iha Suku Waiga’a, tanba ne’e 20 de Maio monu iha Suku Loilubu, nune’e halo preparasaun ba atividade ne’e kuaze fulan tolu nia laran
Enkuantu iha atividade ne’e la iha hamosu problema no la iha difikuldade ruma hodi autoridade suku sira hasoru tanba iha suku mai ho nia kultura rasik ne’ebé Tara Bandu no joven sira iha konsiensia boot ba loron Restaurasaun Independensia 20 Maio 2026 ida ne’e
Presidente Komisaun Organizadora, Maria Godinha da C. Freitas hatete, ba preparasaun husi komisaun organizadora hahu halo kolaborasaun ho lider komunitariu husi suku 7 no espesifiku liu ba suku 2 mak Suku Loilubu no Suku Uatulari
“preparasaun husi komisaun organizadora primeiru mak kolaborasaun entre komisaun ho lider komunitariu Suku hitu espesialmente ho lideransa komunitariu Suku rua mak Suku Loilubu no Suku Uatulari atu oinsa bele servisu hamutuk para bele atinji preparasaun ho diak liu tan molok tama bai ha loron serimonia” tenik nia
Komisaun organizadora la hetan difikuldade ruma husi atividade ba preparasaun ne’e maibe mobilizasaun husi komunidade sira ne’ebé hela dok maibe ne’e la sai difikuldade boot oinsa atu organiza diak ba serimonia ba loron Restaurasaun Independensia 20 Maio 2026 tanba loron importante ba ema hotu nian
Tuir observasaun jornalista Zeus News iha terrenu katak iha serimonia loron Restaurasaun Independensia 20 Maio 2026 ne’e komunidade entuziasmu hodi marka prezensa iha fatin serimonia, veterano/a, estudante Estagiadu UNTL, UNPAZ, Isar Bandeira EBC São Sebastião inklui joven nia partisipasaun ativu tebes iha loron boot ida ne’e
Jornalista: Aniceto Da Silva
