Dili 20 Maio 2026–komemorsaun loron Restaurasaun Independensia Ba dala 24, iha Tasi Tolu Dili, ne’ebé Iha Diskursu Prezidente Repúblika José Ramos-Horta hatete katak Xanana Gusmão mak Restaurador Independénsia Timor-Leste nian.
Eis-Prezidente Repúblika Francisco Guterres Lu-Olo hatete, diskursu husi Presidente da Republika kona-ba Restaurador ba loron Independensia Timor-Leste nian ne’e sala, tanba iha 2002 Kayrala Xanana Gusmão hanesan Presidente Eleitu seidauk hetan posse
“Prezidente Repúblika nia diskursu iha parte ida sala halo distruisaun istória Timor nian Istória hatene sé mak restaura independénsia Timor-Leste nian. Momentu Xanana Gusmão sei Prezidente eleitu seidauk tomada posse, iha Tasi-Tolu ha’u duni mak fó tomada posse Prezidente hafoin nia haknaar-an hanesan Prezidente Repúblika,” dehan Eis Presidente Republika, Francisco Guterres Lu-Olo iha loron importante Restaurasaun Independensia ba dala 24 iha tasi tolu
Hatan ba Kestaun ne’e, Presidente Republika Jose Ramos Horta hatete koñese historia, maibe la hakruk ba Eis Presidente
“Ha’u hatene sé mak dada ita husi 1981 to’o Tasi-Tolu. Eis-Prezidente ko’alia nune’e nia direitu ko’alia. Ha’u nia interpretasaun, ha’u la’ós hakruk fali ba Eis-Prezidente ruma, ha’u koñese istória,” Dehan Presidente Republika Jose Ramos Horta
Iha loron Komemorasun ne’e hetan Partisipasaun husi Atual Primeiru-Ministu, Kairala Xanana Gusmão no lider Nasional sira hanesan Francisco Guterres Lu-Olo, Taur Matan Ruak no inklui konvidadu Internasional sira
Jornalista: Mateus F. de Deus
Lolos ne Senhor, Luolo duni mak lakomprende…. Luolo nia posisaun iha momentu neba nudar PPN nia fo legalidade ba Presidente Eleito ne los …
Restaura independencia ne PRESIDENTE DA REPUBLIKA hafoin simu posse husi PPN… lalika halo beik fali povu mak diak … presidente do Parlamentu ne asumi oragaun legislatura, legalidade ne mai husi legislatura…
Sr, Luolo iha ambisaun atu muda istoria tuir hakarak ne labele …. atu resatura Nasaun ne so uniku ema nebe hetan legalidade husi legislatura nudar Presidente hafoin mak iha puder atu Resatura buat ruma, Restaura ne tenki mai husi Premeira pessoa iha nasaun nia laran mk Presidente da Republika
Presidente DA republika Nia diskursus konaba historia hahu re-organiza Fila fali funu iha 1981 ate 1999 nee Mak PR deklara katak Maun bot Kayrala Xanana Gusmao Mak Restaurador. Laos dehan 20 de Maiu 2002 nee lae.
Husu lideransa Sira atu tau istoria ho lolos atu nunee gerasaun foun labele duvidas ho istoria Ida Nia oin seluk.