Likisa, 04 Jullu 2026-Partidu Kmanek Haburas Unidade Nasional Timor Oan, (P.KHUNTO), selebra aniversariu ba ezistensia Partidu Khunto ba dala XV, ne’ebé iha selebrasaun ne’e Pose mos ba estrutura foun husi Posto Maubara no Loes hamutuk 900
Presidente Partidu Kmanek Haburas Unidade Nasional TimorOan (KHUNTO), Armanda Berta dos Santos hateten, P.Khunto esiste ona tinan XV hanesan Jornada ne’ebé nakonu ho Luta sakrifisiu no dedikasaun, ba Timor-Leste
“Ohin Loron, loron importante, istoriku Partidu Khunto halo tinan XV, iha tinan XV, ida ne’e, hanesan Jornada moris ne’ebé mak nakonu ho luta, mai ho Sakrifisiu nomos dedikasaun ba nasaun, to ohin loron, Khunto sai Partidu ida ne’ebé defende Unidade Nasional, Demokrasia Justisa Sosial, no bem Estar Povu nia, tuir espirito Tane o Emar Tane O Rai no o Lisan” dehan Presidente P. Khunto Armanda Berta dos Santos iha likisa
Iha Serimonia selebrasaun ne’e, Konsileiru Maximu Partidu KHUNTO, José dos Santos Naimori Bucar, husu ba militante sira tau fiar ba Kmanek Haburas Unidade Nasional Timor Oan (KHUNTO) hodi servi Povu no Nasaun
“Hau agradese ba imi hotu-hotu iha fatin ida ne’e, sai ona Lider Politika ida hodi Servi ba Nasaun ba ema hotu-hotu nia moris diak, presiza ita hotu hakmatek, hanoin ida deit tau fiar iha Partidu, para atu kontribui ba estadu, hodi tau matan ba Povu ida ne’e” dehan Naimori Iha ambito komemorasau Partidu KHUNTO ba dala XV
Iha fatin hanesan Sekretariu Jeral P.KHUNTO, Eledio Araujo akresenta, Partidu Kmanek Haburas Unidade Nasional Timor Oan (KHUNTO) selebra aniversariu ba dala XV, hamutuk no fo parabens ba viajen naruk P.KHUNTO nian durante tinan XV
“Partidu Kmanek Haburas Unidade Nasional Timor Oan, selebra aniversariu tinan 15, ho nia tema, Timoroan hamutuk hametin Unidade Nasional ba Prosesu dezemvolvimentu Povu nia moris diak, ita halibur hamutuk iha ne’e, hodi hato’o Parabes ba ita nia viajen naruk nu’udar Partidu Politiku, ida ne’ebé luta ba interese Povu nian” Tenik Sekjer, P.KHUNTO
Tuir Observasaun ne’ebé Jornalista Zeus News iha terene nota katak, iha selebrasaun P.KHUNTO, ne’e hetan partisipasaun maximu husi Kordenador Munisípiu Sanulu Resin 12 iklui RAEO, ho Deputadu Partidu KHUNTO nian nomos estrutura nasional sira, no militante foun 900 ne’ebé mai husi Partidu seluk
Jornalista: Mateus F. de Deus
