Dili 03 Juñu 2026-Estudante husi Klibur Estudante Juventude Baguia husu ba Ministra Saude atu labele hakmatek iha povu nia sofrimentu ne’ebé sai preokupasaun ba saude nian iha Postu Administrativu Baguia
Klibur Estudante Joventude Bagia (KEJB) sira husu ba Ministra Saúde, Elia dos Reis Amaral atu hala’o nia funsaun no akompanha situasaun setór saúde husi baze to nasionál labele hakmatek iha povu nia sofrimentu nia leten
Estudante Baguia, Efren Moniz Pinto hatete, husu Ministra Saúde (MS) atu hala’o nia funsaun no akompaña situasaun iha setór saúde husi baze to nasionál no labele hakmatek iha povu nia Sofrimentu nia leten
“hakarak husu ba Ministra saúde liliu Elia Dos Reis Amaral hala’o nia funsaun akompanha situasaun liliu iha setór saúde husi baze to nasionál nia labele hakmatek iha povu nia Sofrimentu nia leten liliu kazu Bagia nian ne’ebé dadaun ne viral no públiku akompanha tomak” dehan estudante, Efren Moniz Pinto liu husi komferensia imprensa ne’ebé halo iha jardín 5 De Maio Kuarta feira ne’e
Nia haktuir, dadaun iha postu saúde ne’ebé lokaliza iha suku Oso-una Postu Administrativu Baguia ne’e asesu husi suku 3 maibé iha Postu Saúde refere menus fasilidade aimoruk menus inklui mós profesionál saúde mós menus
“postu saúde Oso-una ne’e asesu husi suku tolu hanesan suku Apaloikai, Osu-una no Haekoni rasik, iha ne’ebé ho nia kondisaun fasilidade menus aimoruk menus inklui profesionál saúde sira ne’ebé servisu iha ne’ebá na’in 5 se na’in lima oinsá mak sira bele halo atendimentu ho populasaun ne’ebé suku 10 nian ne’e la naton e ameasa ba komunidade sira nia vida liliu ho pasiente ne’ebé moras grave” nia haktuir
Estudante ne’e husu ba Ministru Saude no Diretor Saúde Munisipál sira hodi aumenta fasildade saude nian inklui aimoruk no aumenta pesoal saúde sira iha sentru saúde sira ne’ebé estabelese ona maibé sei menus fasilidade sira tanba ne’e husu parte relavante sira tenki tau atensaun ba preokupasaun povu nian
Jornalista: Aniceto Da Silva
