Dili 04 Juñu 2026-Partidu Kmanek Haburas Unidade Nasional Timor Oan (KHUNTO) halo Ponte ida ho naruk metru 14 no luan metru 6 iha Suku Manleuana, Aldeia Laulora hodi fasilita Komunidade Aldeia Laulora nia movimentu iha tempu udan
Konsileiru Maximu Partidu Khunto, Jose dos Santos “Naimori Bucar”, hateten foti desizaun halo ponte ne’e fasilita estudante sira iha tempu udan no komunidade tomak iha Aldeia Laulora nian
“Ponte ida ne’e Partidu Khunto halo Desizaun ida atu halo ida ne’e para Asesu ba komunidade sira iha ne’e Barak los sira ho sira nia oan, kuandu udan ona sira nia oan ba eskola liu husi mota laran fo risku teb tebes ba sira, entaun hau halo desizaun sira ita halo tok ponte ida husi ne’e para komunidade sira bele liu para sira nian oan sira bele asesu ba Edukasaun no bele ba fan sasan” Dehan Konsileiru Maximu Khunto, José Dos Santos Naimori Bucar iha Sede Khunto Manleuana
Lider Maximu Khunto ne’e la fo sai kona-ba Montante husi orsamentu ne’ebé gasta ba ponte refere, maibe iha ne’e komunidade mos apoiu Hahan no servisu voluntariu ba materia husi Partidu mak fo ne’ebé to’o prosesu Kontrusaun ba Ponte ne’e remata
“osamentu ita koalia halnusa ita boot sira hare katak, ne’e gasta tebtebes povu sira mos kontribui sira ai farina talas no buat hotu, husi partidu mak sosa Matrial no sira mak servisu rasik, garantia ba oin sira hotu sei liu husi ne’e”
Xefe Aldeia Laulora Mario Borges Soares, hato’o agradese boot ba Konsileiru Maximu Partidu Khunto Jose dos Santos Naimori Bucar tanba bele konstrui ona Ponte ita ba komunidade Aledia Laulora hamutuk uma kain 868 hodi bele asesu
“Ponte ne’e konstrui husi ami nia aman ami nia maun Señor Naimori Bucar, foin fulan ida liu ba Governo rasik seidauk apoiu, ami hakarak hato’o ami nia agradese no hakuak boot ba ami nia maun boot Naimori ho fuan bot duni hakarak Ajuda duni ami komunidade parte ida ne’e liu liu ami aldeia Laulora” Dehan Xefe Aldeia Laulora
Xefe Ladeia ne’e husu ba Governo atu ba oin apoiu komunidade Aldeia Laulora hodi hadia fali dalan tanba ponte konstrui ona husi Konsileiru Maximu Partidu Khunto nian ne’ebé husu ba IX Governo hodi kontinua halo estrada husi Aldeia Laulora ba villa laran
Jornalista: Mateus F. de Deus
