DILI, 09 Juñu – 2026 Suprientendente Xefe Polisia João Belo dos Reis informa, Suspeitu hadau Pasta iha Praia dos Coqueros Dili iha loron domingo 7 Juñu 2026 hodi rezulta Nandine Lakon Vida, kaptura ona, Suspeitu nain rua ho inisial JACR, no MZX.
“Suspeitu nain-rua horseik ami kaptura iha oras meudia iha Tasi Tolu, Prosesu sira-ne’e ita sei akumula aprezenta ba Tribunál, agora sei iha ami-nia liman hodi detein ba 72 oras, depois de 72 oras ami submete ba Tribunál,”
Portavoz Komando Jeral ne’e Sublina tan katak, Motor ne’ebe Suspeitu Nain rua Utiliza hodi hadau pasta iha fatin Akontesimentu ne’e mos Asegura no informa ba Publiku katak ema ne’ebe senti Motor Lakon iha Loja Gracia nia oin bele konfirma iha Komando Jeral, kazu suspeitu nauk telefone ne’ebé rezulta Nandine lakon PNTL rejista ho NUC 0206/2026PNSIK .
“Pasta ne’ebé mak sira hadau iha fatin akontesimentu i depois Motor ne’ebé sira uza ne’e ami mós informa ba públiku atu ema ne’ebé sente nia motor lakon iha loja Gracia nia kotuk iha loron tolu liuba atu mai fó informasaun ba lalaok nia motor lakon”, dehan potavoz komando Jeral João Belo dos Reis
Relasiona ho Kazu ne’e Xefe Polisia ne’e husu ba Inan Aman sira Atu eduka oan sira atu labele halo asaun krime hodi prejudika ema seluk nia direitu
“ita labele halo toleransia ba oan sira nia asaun krime ne’ebé mak prejudika ema seluk nia direitu no ema seluk nia sasán”, nia hakotu
Jornalista: Mateus F. de Deus
