Governu Sei Dekreta Timor-Leste Lutu Loron Hitu Ba Falesimentu Saudozu Francisco Lu-olo

Dili, 22 Juñu 2026-Governu sei Dekreta Timor-Leste Lutu Nasional loron hitu ba falesimentu Saudozu Francisco Guterres “Lu-Olo” ne’ebé fila hikas ona ba aman maromak nia kadunan santo, nune’e saudozu nia mate isin sei tula husi Aviaun Aero Dili 

Primeiru-Ministru Interinu, Mariano Assanami Sabino hatete, Governu Timor-Leste sei aluga Aviaun espesial Aero Dili ne’ebé marka ho Bandeira RDTL hodi tula saudozo Francisco Guterres “Lu-olo” nia isin mate husi Malaizia mai Timor-Leste. 

“Ita hotu sente lakon kompratiota ita nia kamaradazem no ita nia komandante no Governu ho lideransa ministru nia orienta atu organiza Avião espesia ne’ebé aban too iha ne’e. Ita uza avião Euro Dili ho marka Bandeira RDTL, mais ida ne’e aluga espesial ne’ebé ema seluk la sae avião nee so familia hamutuk ho mate isin” dehan Vise-Primeiru Ministru, Ministru Kordenadór Assunto Sosiais no Ministru Dezenvolvimentu Habitasaun Rurál Mariano Assanami Sabino ba jornalista sira iha Palasio Governu 

Nia dehan, Horikalan  rona notisia ida ne’ebé tristeza tebes ba ita-hotu, ita lakon  lutador ida ne’ebé hakotu iss iha Malazia. 

Nu’uda Primeru Ministru Intrenu hamutuk ho Ministru Asunto Combatentes Libertasaun Nasionál (MACLN), sei halo lutu Nasional ba loron hitu no sei iha tuku 10:00 halo extra-ordináriu iha konselu Ministru hodi dekreta lutu Nasional ba loron hitu 

Reprezenta Nonu Governu konstituisional hato’o sentidu kondelesia klean ba familia boot partidu Fretelin no povu Timor-Leste ne’ebé sente lakon nia lideransa diak ida.

“ita hotu nia orasaun importante, korajem ba familia oan-sira para mantein firme estuda aprende nafatin hakat sira nia aman nia ain fatin. Korajem ba familia no ita-hotu nia orasaun akompania maun Lu-olo nian klamar  ba iha Na’i nia sorin.”, Vice PM fo korajem 

Iha fatin hanesan Ministériu Asuntu Kombatentes Libertasaun Nasional (MACLN), Gil da Costa Monterio “Oan Soru” hatete, sente lakon lideransa ida, lideransa ne’ebé luta duranta tinan 24 hamutuk ho nia povu nunka hakruk ba politika invazor sira nian too Timor-Leste nia independensia. 

“Ita haree ba restoransaun independensia 24 koresponde ho luta libertasaun ou luta patria 24 ne’ebé nia husik ona ita”, dehan Ministéru Asuntu Kombatentes Libertasaun Nasional, Gil da Costa Monterio “oan Soru”  

Nia dehan, hanesan ministru ne’ebé tutela ba Ministru Asunto Kombatentes Libertasaun Nasional (MACLN) Francisco Lu-olo nia sofre moras ne’ebé ba halo tratamentu iha Malaisia  loron 23 Fulan maio nune’e aban sei halo fulan ida 

“prontu, hanesan timor oan espesialmente Veteranus maibé lakoalia hanesan veteranus deit maibé hanesan mos ministru neebe mak tutela ba Ministru Asuntu kompatente libertasaun nasional, maun Lu-olo matebeia nia sofre moras ba halo tratamentu aban mak foin halo fulan ida nia sai husi Dili iha dia-23 de Maiu no horikalan ita-rona Notisia oin seluk. Ida nee mak destino. 

Nia hatutan, husu ba familia sira liu-liu ba nia espoza Sidalia ne’ebé akompania hela saudozo nia mate isin agora dadaun iha Malazia ne’ebé husu ba familia sira lalika hanoin barak tanba estadu iha dever moral no hanesan ministériu iha responsavel tomak ne’ebé aban sei akompania Saudozo Francisco Lu-olo nia mate isin husi aeroporu lori ba nia residensia. 

Jornalista: Aniceto da Silva